| e-texts navigator |
| Wylie |
132a1 བྱུང་སྐུ།། སེམས་ལས་མ་བྱུང་སངས་རྒྱས་ཡིན།། འཕོ་འགྱུར་མེད་པས་སྡུག་བསྔལ་བྲལ།། བརྗོད་མེད་རང་གི་ངོ་བོ་ལ།། ཚོར་བ་བདེ་སྡུག་གང་ཡང་མེད།། དེ་ཕྱིར་ཆོས་ཉིད་བདེན་པའི་ངང་།། སེམས
132a2 ལས་མ་བྱུང་སངས་རྒྱས་ཡིན།། དེ་ཡང་འདུས་པའི་སྙིང་པོ་ཉོན།། དུས་དང་སྤྱོད་ལམ་ཐམས་ཅད་དུ།། ངེས་དོན་འབྲལ་མེད་ཡེ་སངས་རྒྱས།། དེ་ཕྱིར་ལྟ་བ་འགྱུར་བ་མེད།། འགྱུར་མེད་ཆོས་ཉིད་རང་བྱུང་ཀློང་།། མ
132a3 ཡེངས་སེམས་མེད་ད་ལྟ་ཉིད།། སྒོམ་པ་ཀུན་གྱི་མཆོག་ཏུ་ནི།། ཀུན་བཟང་རྒྱལ་བས་གསུངས་པ་དེ།། སེམས་ལས་མ་བྱུང་སངས་རྒྱས་ཡིན།། དེ་ཡང་འདུས་པའི་སྙིང་པོ་ཉོན།། ངེས་དོན་སངས་རྒྱས་ཁྱད་པར་ཅན།།
132a4 ཀུན་གཞི་མེད་ཕྱིར་སངས་རྒྱས་མེད།། དེ་ཕྱིར་ཡུལ་མེད་རིག་པ་འདི།། སེམས་ལས་མ་བྱུང་སངས་རྒྱས་ཡིན།། སེམས་བྲལ་ལྷག་མཐོང་ཆོས་ཉིད་ལ།། དེ་ལ་ཡིད་ཆེས་ངེས་པའི་གདེང་།། སངས་རྒྱས་དགོངས་པ་མ
132a5 ནོར་བ།། དམ་པའི་ཐུགས་ལ་གསལ་བ་ནི།། སེམས་ལས་མ་བྱུང་སངས་རྒྱས་འདི།། ཐེག་པ་ཀུན་ལས་ཁྱད་པར་འཕགས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི
132a6 རྒྱུད་ལས། སེམས་ལས་མ་བྱུང་བའི་སངས་རྒྱས་བསྟན་པའི་ལེའུ་སྟེ་བརྒྱ་དང་དོན་གཅིག་པའོ།། །། དེ་ནས་འདུས་པའི་ཚོགས་རྣམས་ལ།། རྒྱུ་ལས་མ་བྱུང་འབྲས་བུ་དེ། ཀུན་རིག་རྒྱལ་པོས་བཀའ་སྩལ་པ།
iiif viewer powered by OpenSeadragon
