| e-texts navigator |
| Wylie |
131b1 རྒྱས་ནི་རང་རིག་ཡེ་ཤེས་རྒྱས།། སངས་ནི་འཁོར་འདས་འཛིན་པ་སངས།། རྒྱས་ནི་ཆོས་སྐུ་གསལ་བ་རྒྱས།། སངས་ནི་བག་ཆགས་ཉོན་མོངས་སངས།། རྒྱས་ནི་རང་གི་ངོ་བོ་རྒྱས། སངས་ནི་བདུད་བཞིའི་ཆོ
131b2 འཕྲུལ་སངས།། རྒྱས་ནི་ཟིལ་གནོན་ལྟ་བ་རྒྱས།། དེ་ཕྱིར་རང་བྱུང་རིག་པ་འདི།། སེམས་ལས་མ་བྱུང་སངས་རྒྱས་ཡིན།། དེ་ཡང་འདུས་པའི་སྙིང་པོ་ཉོན།། དུས་གསུམ་སངས་རྒྱས་སེམས་དང་བྲལ།། ཚོགས་བརྒྱད
131b3 མེད་ཕྱིར་སེམས་ཀྱང་མེད།། རང་བྱུང་སྙིང་པོ་ཆོས་ཀྱི་སྐུ།། སེམས་ལས་མ་བྱུང་སངས་རྒྱས་ཡིན།། མ་རིག་ལས་བྱུང་སེམས་ཅན་ཀུན།། སེམས་སུ་འཛིན་ཕྱིར་སྡུག་བསྔལ་འབྱུང་།། དེ་ཕྱིར་སེམས་བྲལ་སྤྲོས་ལ
131b4 མེད།། སྤྲོས་མེད་ཆོས་སྐུ་རང་བྱུང་ལ།། རང་སེམས་བྲལ་བས་དམིགས་པ་མེད།། དམིགས་མེད་ཆོས་ཀྱི་སྐུ་ཞེས་བྱ།། སེམས་ལ་དུས་གསུམ་ཡོད་པའི་ཕྱིར།། ཚེ་ལ་སྔ་ཕྱི་ད་ལྟ་འབྱུང་།། སེམས་ལ་འཕོ་འགྱུར་ཡོད
131b5 པའི་ཕྱིར།། དེ་ཕྱིར་ལུས་ལ་སྐྱེ་འཆི་འབྱུང་།། ན་ཚ་བདེ་སྡུག་སྣ་ཚོགས་པ།། རང་སེམས་ཡིན་ཕྱིར་འཁོར་བར་སྨིན།། དེ་ཕྱིར་སེམས་ནི་སངས་རྒྱས་མིན།། དེ་ཡང་རྡོ་རྗེ་སེམས་དཔའ་ཉོན།། སྐྱེ་ཤི་མེད་ཕྱིར་སེམས
131b6 དང་བྲལ།། སྐྱེ་མེད་རང་བྱུང་ཡེ་ནས་གནས།། དེ་ཉིད་ལམ་གྱི་ཡེ་ཤེས་ནི།། ཐོག་མཐའ་ཆོད་ན་དུས་གསུམ་གཅིག། ཆོས་སྐུ་གཅིག་ཕྱིར་འཕོ་འགྱུར་མེད།། དོན་ལ་འགྱུར་མེད་སྡུག་བསྔལ་བྲལ།། སྔ་ཕྱི་མེད་པར་རང
iiif viewer powered by OpenSeadragon
