| e-texts navigator |
| Wylie |
131a1 མ་བྱུང་སངས་རྒྱས་མིན།། དེ་ཡང་འདུས་པའི་སྙིང་པོ་ཉོན།། ཡང་དག་ངེས་དོན་སངས་རྒྱས་ནི།། ཡིད་ཀྱིས་མ་བསྒོམས་མ་བསྐྱེད་པའི།། རྩོལ་མེད་རང་གསལ་འདི་ཉིད་ལ།། སེམས་ལས་མ་བྱུང
131a2 སངས་རྒྱས་ཡིན།། སྣང་མེད་རང་བྱུང་ཆོས་ཉིད་ལ།། ཡུལ་དུ་བྱས་པ་མེད་པའི་ཕྱིར།། ལྷ་མེད་བསྒོམ་རྒྱུ་ག་ལ་ཡོད།། དེ་ཕྱིར་སེམས་ནི་ཀུན་བརྟགས་ཡིན།། གང་ཡང་མ་བསྒོམས་ཆོས་ཉིད་ནི།། སེམས་ཀྱི་ཡུལ་ལས
131a3 འདས་པའི་ཕྱིར།། སེམས་ལས་མ་བྱུང་རང་བྱུང་སྟེ།། སངས་རྒྱས་ཀུན་གྱི་དགོངས་པ་ཡིན།། དེ་ཡང་རྡོ་རྗེ་སེམས་དཔའ་ཉོན།། སེམས་ནི་མ་རིག་མུན་པ་ཡིན།། སངས་རྒྱས་སེམས་བྲལ་ཡེ་ཤེས་སྐུ།། མ་རིག་སེམས
131a4 སངས་སྒྲིབ་པ་དག། ཐམས་ཅད་མཁྱེན་པའི་ཡེ་ཤེས་རྒྱས།། རྟག་ཆད་འཛིན་པ་མ་རིག་སེམས།། དེ་ལས་མ་བྱུང་སྒྲོ་སྐུར་བྲལ།། རྟགས་ཆད་སེམས་མེད་ཆོས་ཀྱི་སྐུ།། སེམས་ལས་མ་བྱུང་སངས་རྒྱས་ཡིན།། སངས
131a5 ནི་འཁྲུལ་པ་འཛིན་པ་སངས།། རྒྱས་ནི་ཆོས་སྐུ་མི་གཡོ་རྒྱས།། སངས་ནི་སེམས་སུ་འཛིན་པ་སངས།། རྒྱས་ནི་རང་བྱུང་ཡེ་ཤེས་རྒྱས།། སངས་ནི་གོལ་སྒྲིབ་སེམས་རྣམས་སངས།། རྒྱས་ནི་ཡེ་ཤེས་མི་རྟོགས་རྒྱས།།
131a6 སངས་ནི་བྱིང་དང་རྨུགས་པ་སངས།། རྒྱས་ནི་ལྷག་མཐོང་ཡེ་ཤེས་རྒྱས།། དེ་ཕྱིར་སེམས་ལས་མ་བྱུང་བའི།། ཡེ་ཤེས་རང་སངས་རྒྱས་པ་ཡིན།། དེ་ཡང་འདུས་པའི་སྙིང་པོ་ཉོན།། སངས་ནི་རྒོད་འཕྲོ་གཡེང་བ་སངས།།
iiif viewer powered by OpenSeadragon
