| e-texts navigator |
| Wylie |
130a1 འབྲས་བུ་ཡིན།། གང་ཡང་དམ་པར་ལྟ་མེད་ཕྱིར།། ཆེད་དུ་བྱས་ནས་སྒོམ་མེད་པས།། ཕྱོགས་ལྷུང་སྒྲུབ་པ་དེ་ལ་མེད།། དེ་ཡང་ངེས་པའི་འབྲས་བུ་ཡིན།། གང་དྲན་ཆོས་སྐུར་རབ་ཤེས་པའི།། ལྟ་བ
130a2 ངེས་པའི་གདེང་ཟིན་པས།། ཚོགས་ཀྱི་སྒྲིབ་པ་དེ་ལ་མེད།། དེ་ཡང་ངེས་པའི་འབྲས་བུ་ཡིན།། གསང་སྔགས་མཛད་སྤྱོད་ཐམས་ཅད་ལ།། བྱ་བ་མེད་པའི་དོན་རྟོགས་ཕྱིར།། ལས་བཞིའི་སྒྲིབ་པ་དེ་ལ་མེད།། དེ་ཡང
130a3 ངེས་པའི་འབྲས་བུ་ཡིན།། འཁོར་འདས་ཆོས་ནི་གང་ལ་ཡང་།། མ་ཆགས་མི་གཡོའི་རྟོགས་ལྡན་ཕྱིར།། མཆོད་པའི་སྒྲིབ་པ་དེ་ལ་མེད།། དེ་ཡང་ངེས་པའི་འབྲས་བུ་ཡིན།། ཡང་དག་སངས་རྒྱས་རྣམས་གསུངས
130a4 པའི།། ངེས་པའི་ལུང་ལ་ཡིད་ཆེས་པས།། ཐེ་ཚོམ་སྒྲིབ་པ་དེ་ལ་མེད།། དེ་ཡང་ངེས་པའི་འབྲས་བུ་ཡིན།། དེ་ཡང་འདུས་པའི་སྙིང་པོ་ཉོན།། གོལ་སྒྲིབ་མེད་པའི་དོན་ཤེས་ན། རྒྱལ་བ་ཉིད་དང་དགོངས་པ་མཉམ།། དེ
130a5 ཕྱིར་ཆོས་སྐུ་ད་ལྟ་ཉིད།། སངས་རྒྱས་ཞེས་ནི་དེ་ལ་བྱ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། སྒྲིབ་པ་མེད་པའི་འབྲས་བུ་ཉམས་སུ་བླང་བ་བསྟན་པའི
130a6 ལེའུ་སྟེ་བརྒྱ་དང་བདུན་ཅུ་པའོ།། སྡོམ་དུ་བསྡུས་ཏེ་བསྟན་པ་སོ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་ཚོགས་ལ་ཕན་གདགས་ཕྱིར།། ཀུན་རིག་སྟོན་པ་ཆོས་རྗེ་ལ།། ངེས་པའི
iiif viewer powered by OpenSeadragon
