| e-texts navigator |
| Wylie |
12b1 གནས་དྲུག་གིས་གཞན་དོན་བྱ།། དེ་ཡང་རྡོ་རྗེ་སེམས་དཔའ་ཉོན།། གཉིས་མེད་གསུམ་གྱིས་ལ་བཟླ་ལ།། གཏན་ཚིགས་བཞི་ཡིས་ཡིད་ཆེས་བྱ།། འབྲས་བུ་རྒྱུ་ཡིས་མཐའ་རུ་གཏུག། རྟོགས་པ་བཞི་ཡི་གདེང་ལྡན
12b2 བྱ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཆོས་རྣམས་གཏན་ལ་དབབ་པ་སྡོམ་དུ་བསྡུས་ཏེ་བསྟན་པའི་ལེའུ་སྟེ་གསུམ་པའོ།། །། དེ་ནས་རྡོ་རྗེ
12b3 སེམས་དཔའ་ཡིས།། ཀུན་རིག་ཆོས་ཀྱི་རྒྱལ་པོ་ལ།། ངེས་པའི་དགོས་དོན་འདི་སྐད་གསོལ།། སེམས་ཀྱི་ཀུན་གཞི་ཇི་ལྟར་བྱུང་།། བག་ཆགས་ཀུན་གཞི་ཇི་ལྟར་བགོས།། ལུས་ཀྱི་ཀུན་གཞི་ཇི་ལྟར་སྨིན།། མཉམ
12b4 པའི་རྒྱལ་པོས་བཤད་དུ་གསོལ།། འདི་སྐད་ཞུས་པས་དོན་གསན་ནས།། ཀུན་རིག་སྟོན་པ་ཆོས་རྗེ་ཡིས།། ཀུན་གཞི་རྣམ་གསུམ་དབྱེ་བའི་དོན།། སེམས་ཀྱི་ཀུན་གཞི་བཀའ་སྩལ་པ།། ཐོག་མ་ཐ་མ་ད་ལྟ་དང་།། ངོ
12b5 བོཔོ་ངེས་ཚིག་ཆེ་ཆུང་ཤེས།། མཚན་ཉིད་མཉེན་པོ་ལས་དང་རྩལ།། ཡུལ་དཔེ་རྟགས་ཀྱི་སྒོ་ནས་བསྟན།། དེ་ཡང་རྡོ་རྗེ་སེམས་དཔའ་ཉོན།། སེམས་ཀྱི་ཀུན་གཞི་ཐོག་མར་ཀྱང་།། གང་ལ་མི་རྟོག་ས་མ་ཟིན།། མ་ཤེས
12b6 ལྷན་ཅིག་མ་རིག་པ།། རྟོག་ཞུགས་སེམས་ཀྱི་ཀུན་གཞི་བྱུང་།། ད་ལྟ་གང་ན་གནས་པའི་རྟེན།། འགྲོ་དྲུག་སེམས་ཅན་མ་ལུས་ཀྱང་།། ཉན་ཐོས་རང་རྒྱལ་སེམས་དཔའ་ལ།། ཐུན་མོང་དང་ནི་མ་ཡིན་ཚུལ།། ད་ཡང
iiif viewer powered by OpenSeadragon
