| e-texts navigator |
| Wylie |
12a1 བཞི་ཡི་དོན་ཤེས་ཕྱིར།། དམ་ཚིག་ལྔ་ཡི་གཞི་བཟུང་ལ།། སྐབས་དབྱེ་ལྔ་ཡི་གོ་ཕྱེ་ནས།། དཔེ་དོན་ཁྱད་པར་རྣམ་པ་བཞིས།། འདུས་པ་ལྔ་ཡིས་དོན་བརྩོན་ཕྱིར།། བར་དོ་ལྔ་ཡིས་གཏན་ལ་དབབ།།
12a2 ད་ཡང་འདུས་པའི་སྙིང་པོ་ཉོན།། རྩ་བ་བཞི་ཡིས་མདོར་བསྡུས་ཏེ།། བསྒོམ་ཡོད་བཞི་ཡིས་ཉམས་སུ་བླངས།། ཆེད་སྤྱོད་གསུམ་ནི་དོན་དུ་སྤྱོད།། ཆོས་འཕྲུལ་བཞི་བྱུང་ཟིལ་གྱིས་མནན།། སྙིང་པོ་ལྔ་ཡིས་ངོས་བཟུང
12a3 ལ།། གོལ་ས་ལྔ་ཡིས་སྐྱོན་བསྟན་ཏེ།། ཉམས་པ་དྲུག་ནི་ལྟུང་བའི་ཕྱིར།། ཡེ་ཤེས་བཞི་ཡིས་ཤན་ཕྱེ་ནས།། བཀའ་རྟགས་བཞི་ཡིས་ངེས་མཚོན་ནས།། གདམས་ངག་དྲུག་གིས་ཟག་བཅད་དེ།། ངེས་དོན་གསུམ་གྱི
12a4 དོན་གོ་ནས།། ཐེ་ཚོམ་གསང་བཞི་ངེས་བསལ་ནས།། རང་ཤར་དྲུག་གིས་བསྒོམས་མི་དགོས།། ཐིག་ལེ་བརྒྱད་ཀྱིས་ཁྱད་པར་བསྟན།། ས་ལམ་རིམ་པ་དུས་གཅིག་རྫོགས།། དེ་ཡང་འདུས་པའི་སྙིང་པོ་ཉོན།། ངེས
12a5 དོན་བདུན་གྱིས་ཉམས་སུ་བླངས།། ཉམས་མྱོང་བཞི་ཡིས་གཏིང་དུ་གོ།། རིག་དཔྱོད་བཞི་ཡིས་ལ་བཟླ་ལ།། ཀློང་ཆེན་དྲུག་གིས་ངེས་པ་རྙེད།། རྐྱེན་ཐོབ་དྲུག་གིས་འབྲལ་མེད་ཤེས།། དེ་ཡང་རྡོ་རྗེ་སེམས་དཔའ
12a6 ཉོན།། སྐུ་གསུམ་ཐམས་ཅད་མཁྱེན་པའི་ཚད།། ཡོན་ཏན་ལྔ་ཡིས་འབྲས་བུ་འབྱུང་།། ངེས་པ་བཞི་ཡིས་ཁྱད་པར་འཕགས།། ཟིལ་གནོན་རྟགས་བཞི་འབྲས་བུར་ལྡན།། ཆེ་བ་ལྔ་ཡིས་དངོས་འཛིན་དག། རང
iiif viewer powered by OpenSeadragon
