| e-texts navigator |
| Wylie |
129a1 ལུང་ལྡན་རང་རིག་དོན་ཤར་བས།། མ་རིག་མུན་པ་ཀུན་བཅོམ་ཕྱིར།། སྟོབས་ཀྱིས་ཕ་རོལ་ཕྱིན་པ་རྫོགས།། རང་བྱུང་ངོ་བོ་ཉིད་ཀྱི་སྐུ།། ཆོས་ཀུན་རྩ་བར་རབ་རྟོགས་པས།། ཡོན་ཏན་མ་ལུས་ཀུན
129a2 འདུས་ཕྱིར།། ཡེ་ཤེས་ཕ་རོལ་ཕྱིན་པ་རྫོགས།། དེ་ཡང་འདུས་པའི་སྙིང་པོ་ཉོན།། སངས་རྒྱས་ཀུན་གྱི་མཛད་སྤྱོད་ལ།། ཐ་མལ་སྤྱོད་པའི་མིང་མེད་པས།། ལུས་ངག་དགེ་བ་མི་ཉམས་ཕྱིར།། ཚོགས་ཆེན་མ་ལུས་རྣམ
129a3 གཉིས་རྫོགས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཆོས་རྣམས་ལྷུན་གྱིས་གྲུབ་པའི་འབྲས་བུ་བསྟན་པའི་ལེའུ་སྟེ་བརྒྱ་དང་རེ་བརྒྱད་པའོ།། །། དེ
129a4 ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། བདག་དང་ཡེ་ཤེས་གཉིས་མེད་ཕྱིར།། དག་པའི་ལྷར་ནི་མ་བསྒོམས་པས།། ཀྲི་ཡའི་ཐེག་པར་དེ་མི་གོལ།། དེ་ཡང་ངེས་པའི་འབྲས་བུ
129a5 ཡིན།། གོང་འོག་གཉིས་སུ་མི་ལྟའི་ཕྱིར།། ལྷ་སྤྱོད་ཡ་ཆར་མི་བསྒོམ་པས།། ཨུ་པ་ཡང་ནི་དེ་མི་གོལ།། དེ་ཡང་ངེས་པའི་འབྲས་བུ་ཡིན།། ཡང་དག་ངེས་པའི་དོན་རྟོགས་ཕྱིར།། བྱང་ཆུབ་རྣམ་ལྔ་མ་བསྒོམས་པས།།
129a6 ཡོ་ག་སེམས་དཔར་དེ་མི་གོལ།། དེ་ཡང་ངེས་པའི་འབྲས་བུ་ཡིན།། ད་ཡང་རྡོ་རྗེ་སེམས་དཔའ་ཉོན།། སྣང་བ་གཞི་ལ་མེད་པའི་ཕྱིར།། རྣམ་རྟོག་ལྷ་རུ་མ་བསྒྱུར་བས།། མ་ཧཱ་ཡོ་གར་དེ་མི་གོལ།། དེ་ཡང་ངེས་པའི
iiif viewer powered by OpenSeadragon
