| e-texts navigator |
| Wylie |
127a1 ཚད་བསྟན་པའི་ལེའུ་སྟེ་བརྒྱ་དང་རེ་ལྔ་པའོ།། སྡོམ་དུ་བསྡུས་ཏེ་བསྟན་པའི་ལེའུ་སོ་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་ཚོགས་ལ་ཕན་དོན་དུ།། ཆོས་ཀྱི་རྗེ་ལ་འདི
127a2 སྐད་གསོལ།། བསམ་གཏན་མ་གོལ་འབྲས་བུ་གང་།། རྒྱུ་ཡི་ཐེག་འོག་འབྲས་བུ་དང་།། ཆོས་རྣམས་རྫོགས་པའི་འབྲས་བུ་དང་།། ཕྱི་ནང་མི་གོལ་འབྲས་བུ་རྣམས།། ཀུན་རིག་སྟོན་པས་བཤད་དུ་གསོལ།། དེ་སྐད
127a3 ཞུས་པས་དོན་གསན་ནས།། འདུས་པའི་འཁོར་ལ་བཀའ་སྩལ་པ།། རྩོལ་བ་མེད་པའི་འབྲས་བུ་ནི།། གོལ་སྒྲིབ་མེད་པའི་འབྲས་བུ་ལ།། དབྱེ་བ་རྣམ་པ་བཅུ་ཚན་གསུམ།། ཡིད་ལ་མི་བྱེད་གོལ་སྒྲིབ་མེད།། དེ་ཕྱིར
127a4 ངེས་པའི་འབྲས་བུ་བསྟན།། དེ་ཡང་འདུས་པའི་སྙིང་པོ་ཉོན།། སྔ་ཕྱི་ཞེན་པའི་རྟོག་པ་ཡིས།། བྱུང་ཚོར་རྗེས་སུ་མ་འབྲངས་པས།། འཇིག་རྟེན་ཕལ་པའི་སར་མ་གོལ།། དེ་ཡང་ངེས་པའི་འབྲས་བུ་ཡིན།། ང་དང
127a5 བདག་མེད་དོན་རྟོགས་ཕྱིར།། ཡོད་མེད་ཡུལ་དུ་མི་བསྒོམ་པས།། རྟག་ཆད་མཐར་ནི་དེ་མི་གོལ།། དེ་ཡང་ངེས་པའི་འབྲས་བུ་ཡིན།། རྒལ་བའི་བཀའ་དང་མན་ངག་གི།། ཤེས་རབ་ཟབ་མོའི་དོན་ཟིན་པས།། ལུང་དུ
127a6 མ་བསྟན་དེ་མི་གོལ།། དེ་ཡང་ངེས་པའི་འབྲས་བུ་ཡིན།། ལྷག་མཐོང་རིག་པའི་གདེང་ཟིན་པས།། ཞི་གནས་རོ་ལ་མ་ཆགས་ཕྱིར།། འཇིག་རྟེན་བསམ་གཏན་སར་མི་གོལ།། དེ་ཡང་ངེས་པའི་འབྲས་བུ་ཡིན།། སྣང
iiif viewer powered by OpenSeadragon
