| e-texts navigator |
| Wylie |
126a1 བཀའ་མདོ་ཡང་།། དྲང་དོན་བསླུ་བྲིད་མ་ཡིན་ཏེ།། དབུ་མ་ཤེས་རབ་ཕ་རོལ་ཕྱིན།། རྫོགས་ཆེན་ཆོས་སྐུའི་སྙིང་པོ་ནི།། ལོངས་སྤྱོད་རྫོགས་པའི་མཁྱེན་པའི་ཚད།། དེ་ཕྱིར་བསྟན་པའི་རྩལ་གྱིས
126a2 རྫོགས།། གང་ཕྱིར་ལོངས་སྐུ་ཆོས་སྐུར་བརྟེན།། འཁོར་ནི་བྱང་ཆུབ་སེམས་དཔའི་ཚུལ།། ཆོས་ཉིད་དག་ལ་ལོངས་སྤྱོད་པས།། ལོངས་སྤྱོད་རྫོགས་པའི་མཁྱེན་ཚད་ཡིན།། དེ་ཡང་འདུས་པའི་སྙིང་པོ་ཉོན།། ཆོས་སྐུ།
126a3 ཐུགས་ལ་མ་འདྲེས་མཁྱེན།། སངས་རྒྱས་མ་ལུས་དགོངས་པ་གཅིག། དཔེར་ན་མར་མེ་སྟོང་དག་ཀྱང་།། འོད་ཀྱི་ངོ་བོ་གཅིག་པ་བཞིན།། དུས་གསུམ་སངས་རྒྱས་སྟོང་ལ་སོགས།། དེ་དག་དགོངས་པ་ཆོས་སྐུར
126a4 གཅིག། གདུལ་བྱ་འཁོར་བ་ཐ་དད་ཀྱང་།། སྐུ་གསུང་ཐུགས་ལ་འཕེལ་འགྲིབ་མེད།། དེ་ཕྱིར་ལོངས་སྤྱོད་རྫོགས་པའི་ཚད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི
126a5 རྒྱུད་ལས། ལོངས་སྤྱོད་རྫོགས་པའི་སྐུ་ཡི་མཁྱེན་པ་བསྟན་པའི་ལེའུ་སྟེ་བརྒྱ་དང་རེ་བཞི་པའོ།། །། དེ་ཡང་རྡོ་རྗེ་སེམས་དཔའ་ཉོན།། ཆོས་སྐུ་ངེས་ཟིན་ཐམས་ཅད་མཁྱེན།། དག་པའི་འཇིག་རྟེན་མེད་པའི
126a6 ཕྱིར།། འཁོར་བའི་མུན་པ་ཀ་ནས་དག། ཡོད་མེད་མཐའ་དང་འདོད་པ་བྲལ།། ཆོས་སྐུ་ཡེ་ཤེས་ཀློང་གནས་པ།། ད་ལྟའི་ཤེས་པ་འདི་ཉིད་ལ།། ཆོས་སྐུ་ངོས་ཟིན་ཐམས་ཅད་མཁྱེན།། དེ་ཕྱིར་རང་བྱུང་ངོ་བོར་གནས།།
iiif viewer powered by OpenSeadragon
