| e-texts navigator |
| Wylie |
125a1 སྙིང་པོ་ཉོན།། སྤྲུལ་པ་དེ་ཡིས་སྤྲུལ་པ་འགྱེད།། འཛམ་གླིང་བྱེ་བ་ཕྲག་བརྒྱ་ལ།། སྤྲུལ་པ་བྱེ་བ་ཕྲག་བརྒྱ་འགྱེད།། གཉེན་པོ་སྒོ་མོ་བརྒྱད་ཁྲི་སྟོང་།། གང་གིས་གང་འདུལ་རིག་པ་མཁྱེན།། ལྷ་ཡི་མིག
125a2 གིས་གཟིགས་ཚད་དུ།། རྣ་བ་ལ་སོགས་དེ་བཞིན་ནོ།། མ་ལུས་མཁྱེན་པ་སྤྲུལ་པའི་སྐུ།། དེ་ཕྱིར་ཐམས་ཅད་མཁྱེན་ཞེས་བྱ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི
125a3 རྒྱུད་ལས། སྤྲུལ་པའི་སྐུ་ཡིས་ཐམས་ཅད་མཁྱེན་པའི་ཚད་བསྟན་པའི་ལེའུ་སྟེ་བརྒྱ་དང་རེ་གསུམ་པའོ།། ། ད་ཡང་རྡོ་རྗེ་སེམས་དཔའ་ཉོན།། སངས་རྒྱས་ཆོས་སྐུ་ལས་བྱུང་བའི།། ལོངས་སྐུའི་མཁྱེན
125a4 ཚད་བསམ་མི་ཁྱབ།། རེ་ཞིག་དྲང་བའི་དོན་དུ་ནི།། ས་བཅུའི་བྱང་ཆུབ་སེམས་དཔའ་ཡིས།། ལམ་ལྔ་ས་བཅུ་སྦྱངས་པའི་ཕྱིར།། ཞིང་ཁམས་སྐྱེ་བ་བརྗོད་མི་ལངས།། དེ་དག་ཀུན་གྱིས་གྲངས་དབྱེ་བ།། མ་ལུས་ཀུན
125a5 གྱི་རྣམ་གྲངས་ནི།། ལོངས་སྤྱོད་རྫོགས་པས་མཁྱེན་པའི་ཚད།། དེ་ཡང་འདུས་པའི་སྙིང་པོ་ཉོན།། དག་པའི་འཇིག་རྟེན་མང་བའི་ཕྱིར།། རིགས་ལྔ་ལ་སོགས་སངས་རྒྱས་ཀྱི།། རིན་ཆེན་གཞལ་ཡས་ཁང་དང་ནི།།
125a6 དཀྱིལ་འཁོར་ལྷ་ཚོགས་གྲངས་དང་ནི།། སེམས་དཔའ་སེམས་མ་བརྗོད་ལས་འདས།། རྒྱན་དང་ཁ་དོག་སྨོས་ཟག་ཆོད།། དེ་ཡི་ཡོན་ཏན་མ་ལུས་པ།། དུས་གཅིག་ཚང་ཞིང་རྫོགས་པར་མཁྱེན།། ད་ཡང་འདུས
iiif viewer powered by OpenSeadragon
