| e-texts navigator |
| Wylie |
123b1 མིང་ཡང་མེད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། རང་གནས་ཆེན་པོར་ལ་བཟླ་བར་བསྟན་པའི་ལེའུ་སྟེ་བརྒྱ་དང་དྲུག་ཅུ་རྩ་གཉིས་པའོ།། སྡོམ་དུ
123b2 བསྡུས་ཏེ་བསྟན་པ་སོ་གཉིས་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་ཏུ་བཟང་པོར་དོན་ཞུས་པས།། སྐུ་གསུམ་དོན་གྱི་གདུལ་བྱ་ཡི།། མཁྱེན་ཚད་འཁོར་ལ་བཤད་དུ་གསོལ།། དེ་སྐད་པ་ཡིས་དོན
123b3 གསན་ནས།། འདུས་པའི་འཁོར་ལ་བཀའ་སྩལ་པ།། སྤྲུལ་པ་དྲང་དོན་ཁམས་གསུམ་ཡང་།། རྒྱུ་འབྲས་བདེ་སྡུག་མ་ལུས་དང་།། ལས་དང་ཉོན་མོངས་མ་ལུས་པ།། མཁྱེན་ཕྱིར་ཐམས་ཅད་མཁྱེན་ཞེས་བྱ།། དེ་ཡང་རྡོ
123b4 རྗེ་སེམས་དཔའ་ཉོན།། འདོད་ཁམས་གནས་རིགས་ཉི་ཤུ་ཡི།། ལས་དང་རྐྱེན་ནི་གང་ལས་བྱུང་།། ཉེས་ལེགས་མ་ལུས་དུས་གཅིག་ཏུ།། གང་ཡང་ཤེས་ཕྱིར་མནོ་མི་དགོས།། ཆུ་བུར་མིག་དང་ཤ་ཡི་མིག། ལྷ་ཡི་མིག།
123b5 དང་ཆོས་ཀྱི་སྤྱན།། ཡེ་ཤེས་སྤྱན་དང་རྣམ་ལྔ་སྟེ།། ཐམས་ཅད་མཁྱེན་པའི་ཚད་དུ་གསུངས། དེ་ཡང་རྡོ་རྗེ་སེམས་དཔའ་ཉོན།། ཆུ་བུར་མིག་གིས་དཔག་ཚད་དང་།། རྒྱང་གྲགས་རིང་ཟུང་ཚུན་ཆད་མཐོང་།། ཤ་མིག
123b6 གླིང་བཞི་གླིང་ཕྲན་མཐོང་།། ལྷ་ཡིས་མིག་གིས་ནམ་མཁའི་ཁམས།། ཁྱབ་ཚད་མ་ལུས་དུས་གཅིག་མཐོང་།། སྦྲུལ་སྐུའི་མཁྱེན་ཆད་དེ་དང་འདྲ།། ད་ཡང་འདུས་པའི་སྙིང་པོ་ཉོན།། དམྱལ་ཁམས་བཅོ་བརྒྱད་སྡུག
iiif viewer powered by OpenSeadragon
