| e-texts navigator |
| Wylie |
122a1 ཡེ་ནས་ཆེ་བའི་མཆོག། སྐུ་གསུང་ཐུགས་ཀྱི་ཡོན་ཏན་ཀྱང་།། ཕྲིན་ལས་དཀྱིལ་འཁོར་རང་གི་སྐུ།། དེ་ལས་གཞན་དུ་བསྒྲུབ་མི་དགོས།། ཡོན་ཏན་ཕྲིན་ལས་ཆེ་བར་བསྡུ།། སྐྱོན་ཡོན་གཉིས་ཀ་གཞི་ལ
122a2 མེད།། དེ་ཕྱིར་གོ་བ་སངས་རྒྱས་རྒྱུ།། རང་བྱུང་ཡེ་ནས་དག་པའི་སྐུ།། སྐྱོན་ཡོན་ཡེ་ནས་ཆེ་བ་ཡིན།། སྡུག་བསྔལ་འཁོར་བ་ངན་སོང་སྟེ།། དག་པར་ཡེ་ནས་རྟོགས་པ་ལ།། སྡུག་བསྔལ་ཉིད་ཀྱང་བདེ་བར་འཆར།། དེ
122a3 ཕྱིར་འཁོར་བ་ངན་སོང་ཆོས།། དེ་ཡང་འཁོར་གྱི་སྙིང་པོ་ཉོན།། སངས་རྒྱས་སེམས་ཅན་རྩ་བ་གཅིག། མཐོ་རིས་ངན་སོང་གཞི་ལ་མེད།། དེ་ཕྱིར་ཡེ་ནས་རང་བྱུང་སྐུ།། མཐོ་རིས་ངན་སོང་ཆེ་བར་གསུངས།། ཐབས
122a4 ཀྱིས་སངས་རྒྱས་སེམས་ཅན་འབྲེལ།། དེ་ཕྱིར་ངེས་དོན་ཐབས་ལས་བྱུང་།། ལུང་ལྡན་གདམས་ངག་ངེས་པར་ཆེ།། ཐབས་ནི་ཡེ་ནས་ཆེ་བར་ངེས།། ཤེས་ནི་ཆོས་སྐུ་སྤྲོས་དང་བྲལ།། རབ་ནི་དོན་རྣམས་ཁོང་དུ་ཆུད།།
122a5 ཡེ་ནས་དབང་བསྐུར་རྒྱལ་པོ་སྟེ།། ཤེས་རབ་ཡེ་ནས་ཆེ་བ་ཡིན།། སྐྱོན་ནི་མ་རིག་འགྱུ་བ་སྟེ།། ལུང་ལྡན་རྐྱེན་གྱིས་སྐྱོན་དང་བྲལ།། དེ་ཕྱིར་སྐྱོན་རྟོགས་ཡེ་ཤེས་འབྱུང་།། སྐྱོན་རྒྱུ་ཡེ་ནས་ཆེ་བ་ཡིན།། དེ་ཡང་འཁོར་གྱི
122a6 སྙིང་པོ་ཉོན།། ང་ཡི་སྐུ་གསུང་ཐུགས་རྣམས་ནི།། མ་བཅོས་མ་འགྱུར་མ་གཡོས་པས།། ང་ཡི་རོལ་པ་ཐམས་ཅད་ལ།། དེ་ཕྱིར་སྤང་ལེན་བཟང་ངན་མེད།། ཡོན་ཏན་རྒྱུ་ནི་ཡེ་ནས་ཆེ།། འཁོར་བ་སངས་པས་ཆོས་སྐུ
iiif viewer powered by OpenSeadragon
