| e-texts navigator |
| Wylie |
121b1 ག་ལ་ཁྱད་ཡོད་དོན་ལ་མེད།། དེ་ཕྱིར་ཆོས་སྐུ་གཅིག་གི་ངང་།། ཐམས་ཅད་རང་བྱུང་ཀློང་དུ་འདུས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཀུན་ཏུ་བཟང
121b2 པོ་བསྟན་པའི་ལེའུ་སྟེ་བརྒྱ་དང་དྲུག་ཅུ་པའོ།། །། ད་ཡང་འདུས་པའི་སྙིང་པོ་ཉོན།། ཆོས་སྐུ་ཆེ་བའི་རྩལ་བྱུང་བ།། སེམས་དང་ཆོས་ཉིད་འབྱུང་བ་དང་།། ཡེ་ཤེས་སྐུ་དང་སྐུ་གསུང་ཐུགས།། ཡོན་ཏན་ངན
121b3 སོང་མཐོ་རིས་ལམ།། ཐབས་དང་ཤེས་རབ་སྐྱོན་གྱི་རྒྱུ།། ཡོན་ཏན་རྒྱུ་དང་སངས་རྒྱས་ཆེ།། སེམས་ཅན་རྟོགས་ཐབས་ངས་བཤད་ཉོན།། དེ་ཡང་རྡོ་རྗེ་སེམས་དཔའ་ཉོན།། སེམས་ཅན་མ་རིག་ལས་སྐྱེས་ཡིན།། དུག
121b4 ལྔ་འཁོར་བའི་རྩ་བ་སྟེ།། འདི་ཉིད་རང་བཞིན་མེད་པར་ཤེས།། སེམས་ཉིད་ཡེ་ནས་ཆེ་བར་བྱུང་།། ཆོས་ནི་འཁོར་འདས་ཀུན་ཡིན་ཏེ།། ཉིད་ནི་སྤྲོས་པའི་དངོས་པོ་དང་།། བཙལ་མེད་ཡེ་ནས་ཆེ་བར་གནས།། ཆོས
121b5 ཉིད་ཡེ་ནས་ཆེ་བའི་མཆོག། ཆོས་སྐུའི་རྩལ་ནི་འབྱུང་བ་ལྔ།། ཡེ་ནས་རྒྱུད་ལ་སངས་རྒྱས་ཏེ།། དེ་ཕྱིར་སྣང་བ་ཆོས་ཀྱི་སྐུ།། འབྱུང་བ་ཡེ་ཤེས་ཆེ་བར་བསྡུ།། ཡེ་ནི་རང་བྱུང་ངོ་བོ་ཉིད།། ཤེས་ནི་བློ་ཡི་རྟོག་ཏུ་གོ།། ཟུང
121b6 དུ་འབྲེལ་བས་ཡེ་ཤེས་ཏེ།། དེ་ཕྱིར་ཡེ་ཤེས་ཆེ་བར་གསུངས།། ད་ཡང་འདུས་པའི་སྙིང་པོ་ཉོན།། སྐུ་ཡི་སྐུ་ལྔ་ལྷུན་གྱིས་གྲུབ།། མ་བཙལ་ཡེ་ནས་ཆོས་སྐུར་འདུས།། ཆེ་བའི་ཡོན་ཏན་ཐམས་ཅད་རྫོགས།། སྐུ་ནི
iiif viewer powered by OpenSeadragon
