| e-texts navigator |
| Wylie |
120b1 འོག་མིན་ནམ་མཁའ་འདྲ།། མངལ་དུ་མི་འདུག་དྲན་པའི་ཕྱིར།། ཆོས་སྐུ་མི་འགྱུར་བརྟན་པ་ཐོབ།། དེ་ཡང་འདུས་པའི་སྙིང་པོ་ཉོན།། བར་དོར་ཡོན་ཏན་རྣམ་ལྔ་འབྱུང་།། མ་རིག་སངས་པས་སྒྲིབ་གཉིས་དག། ཡེ
120b2 ཤེས་རྒྱས་པས་འགྱུར་བ་མེད།། ཐམས་ཅད་ལས་ལ་མཁྱེན་པས་ནི།། སངས་རྒྱས་ཆོས་སྐུ་ཐུགས་ལ་རྫོགས།། གཟུགས་སྐུ་རྣམ་གཉིས་དུས་གཅིག་འབྱུང་།། དེ་ཡང་རྡོ་རྗེ་སེམས་དཔའ་ཉོན།། དེ་ཚེ་ཡེ་ཤེས་སྣང་བ
120b3 ལས།། བག་ཆགས་བྲལ་བས་ཆགས་སྡང་མེད།། སྣང་བ་མེད་པས་ཞེན་པ་བྲལ།། རིག་པ་གསལ་བས་ཆོས་སྐུར་ཤེས།། ཕོ་མོ་མེད་པས་མངལ་མི་འཇུག། དེ་ཕྱིར་སྐྱེ་བ་མི་ལེན་ངེས།། ངེས་པའི་འབྲས་བུ་སངས་རྒྱས
120b4 ནི།། རྣམ་དག་ཆོས་སྐུ་རང་རིག་ཤེས།། དེ་ཙམ་ཉིད་ལ་སངས་རྒྱས་སུ།། ཀུན་བཟང་ཉིད་ཀྱི་བཏགས་པ་ཡིན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། བར
120b5 དོ་སྐྱེ་བ་མེད་པ་བསྟན་པའི་ལེའུ་སྟེ་བརྒྱ་དང་ང་དགུ་པའོ།། སྡོམ་དུ་བསྡུས་ཏེ་བསྟན་པ་སོ་གཅིག་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་ཆེད་དུ་འདི་སྐད་གསོལ།། ཀུན་བཟང་ངེས་པའི
120b6 གནས་ལུགས་དོན།། ཡོན་ཏན་ཆེ་བ་ཇི་ལྟར་འབྱུང་།། རང་གནས་ལ་ནི་ཇི་ལྟར་བཟླ།། ཀུན་བཟང་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། ལྷ་སྒོམ
iiif viewer powered by OpenSeadragon
