| e-texts navigator |
| Wylie |
11b1 ངེས་པ་དོན་གྱི་གདམས་ངག་ཞུ།། གླང་ཆེན་མི་ལྡོག་དགྲ་འཇོམས་ལྟར།། བླ་མ་རྡོ་རྗེ་སློབ་དཔོན་གྱིས།། སྤྱོད་པ་མི་བརྟགས་ཆོས་ལ་བརྟགས།། མཚམས་མེད་ལྔ་ཡང་ཆོས་སྐུར་ཤེས།། ས་ཀུ་རྩི་ཡི་རྐང་ལག
11b2 བཞིན།། ངེས་དོན་རང་རིག་ཆོས་སྐུ་ལ།། རྒྱུན་དུ་མི་འབྲལ་གདམས་ངག་ནི།། མི་བརྗེད་གཟུངས་ཀྱིས་ཟིན་པར་བྱ།། དེ་ཡང་རྡོ་རྗེ་སེམས་དཔའ་ཉོན།། ངེས་དོན་གསང་ཐུབ་ཞེ་ལ་འཆང་།། སྤྱོད་པ་འཇམ་པའི་ཚུལ
11b3 དང་ལྡན།། ཁྲམ་མེད་སྒྲོ་རིང་དང་བཟང་ལ།། ངེས་དོན་བསྟན་པའི་སྣོད་དུ་རུང་།། དེ་ཡང་འདུས་པའི་སྙིང་པོ་ཉོན།། དེ་དང་མི་ལྡན་འདི་བསྟན་ན།། སངས་རྒྱས་རྣམས་ཀྱི་བཀའ་བཅག་སྟེ།། མཚམས་མེད་སྡིག་པའི
11b4 ཆར་མི་ཕོད།། དམྱལ་བའི་འོག་གཞི་བྱེད་པར་གསུངས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལས། སྣོད་བཅུད་བསྟན་པའི་ལེའུ་གཉིས་པའོ།། །
11b5 དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས། ཆོས་རྣམས་གཏན་ལ་དབབ་པའི་ཕྱིར།། དོན་གྱི་དབྱེ་བ་འདི་གསུངས་པ།། ཡང་དག་ངེས་དོན་རྟོགས་པའི་ཐབས།། ཀུན་གཞི་རྣམ་གསུམ་ལས
11b6 འཁྲུལ་ཕྱིར།། ཐེག་གཞན་ལྔ་ཡི་ཁྱད་པར་དབྱེ།། སེམས་ཀྱི་སྐྱོན་དྲུག་ངོས་བཟུང་ལ།། སུན་གདོན་བདུན་གྱིས་ཤན་དབྱེ་བའོ།། དེ་ཡང་འདུས་པའི་སྙིང་པོ་ཉོན།། ཁྱད་འཕགས་དབང་ལྔས་རང་རྒྱུད་སྨིན།། ཡོན་ཏན
iiif viewer powered by OpenSeadragon
