| e-texts navigator |
| Wylie |
11a1 འདུས་པའི་སྙིང་པོ་ཉོན།། དོན་བསྟན་སྣོད་བཅུད་རིམ་པ་ནི།། ཡང་དག་སངས་རྒྱས་ངེས་པའི་དོན།། གསང་སྔགས་ཀུན་གྱི་རྩ་བ་ཡིན།། དབང་རྣམས་རིམ་པར་རྫོགས་བྱས་ནས།། ཆོས་ཀྱི་གཞུང་དང
11a2 མི་འགལ་བ།། ཟོས་བསམ་བསྒོམ་ལ་རག་མ་ལུས།། ངེས་དོན་བཀའ་རྒྱུད་གསང་བ་ཡི།། དམ་པ་མཛོད་ཀྱི་གཉེར་ལྡན་ཞིང་།། སྲིད་པར་ཞུས་ཀྱང་ཟད་མེད་པའི།། བླ་མ་རྡོ་རྗེ་སློབ་དཔོན་དེ།། ཚུལ་འཆོས་མེད་པར
11a3 གདེང་དང་ལྡན།། དཔེར་ན་གངས་ཀྱི་སེང་གེ་བཞིན།། གཅིག་པུར་གནས་ཀྱང་དོན་ལྡན་པ།། སངས་རྒྱས་དགོངས་པ་ཐུགས་ལ་འཆང་།། ད་ཡང་རྡོ་རྗེ་སེམས་དཔའ་ཉོན།། སྐལ་ལྡན་སློབ་མའི་མཚན་ཉིད་ནི།། བླ
11a4 མ་ལ་གུས་དད་པ་ལྡན།། སེར་སྣ་ཆུང་ལ་བརྩོན་འགྲུས་ཆེ།། བརྩེ་དང་དམ་ཚིག་མི་འགལ་བསྲུང་།། དོན་གསལ་ཐུབ་པའི་ཤེས་རབ་ཟབ།། ཚུལ་ཤེས་དང་བཟང་རྣམས་ཀྱི་དོན།། ཡོན་ཏན་ཟག་མེད་རྣམས་ཀྱི
11a5 གཏེར།། ཐམས་ཅད་འབྱུང་བའི་གཞི་རུ་བསྟན།། དེ་ཡང་འདུས་པའི་སྙིང་པོ་ཉོན།། དང་པོ་དད་པ་སྔོན་སོང་བའི།། ལུས་སྲོག་མི་བལྟ་གཏོང་ཕོད་ཅན།། འཁོར་འདས་གཅིག་ཏུ་བསྟན་པ་ལ།། སྐྲག་ཅིང་འཇིགས་པ
11a6 མེད་པ་ཡི།། ཐེ་ཚོམ་མེད་པར་དུས་ཚོད་ཟིན།། རྟོགས་པར་བྱ་བའི་ཐབས་སུ་བསྟན།། དཔའ་གཏུམ་སེང་གེའི་བརྩོན་འགྲུས་ཀྱིས།། སྔགས་དང་མཚན་ཉིད་མ་འདྲེས་པའི།། ཁྱད་པར་འཕགས་པའི་གདམས་ངག་གི།།
iiif viewer powered by OpenSeadragon
