| e-texts navigator |
| Wylie |
119b1 ཏིང་འཛིན་གསལ།། མཐུན་མཚམས་ཉམས་དང་སྦྱར་བྱས་ལ།། འབྲིང་དང་ཐ་མ་ཁམས་དང་བསྟུན།། རབ་ལ་རྒྱུན་དུ་འབྲལ་མེད་ལ།། ཐུན་ཚད་བཟུང་མེད་ནམ་མཁའ་འདྲ།། དེ་དོན་ཉམས་ནི་མཐོར་བསྡུས་ན།།
119b2 ཤེས་པ་རང་གསལ་ཉམས་པ་མེད།། རིག་པ་རྒྱ་ཡན་འཛིན་པ་བྲལ།། ཡེ་ཤེས་ཟང་ཐལ་བྱིང་རྒོད་མེད།། ཆོས་ཉིད་ཚིག་ཚུགས་འགྱུར་མེད་ཤེས།། ལྟ་བ་རང་ཤར་འཁོར་བ་སྟོང་།། གདམས་ངག་དྲན་པས་མཐའ
119b3 དབུས་མེད།། ཆོས་སྐུ་འཕྱོས་པས་ངང་གིས་སྟོང་།། ཅི་དྲན་ལྷག་མཐོང་ཕྱོགས་རིས་བྲལ།། རང་བྱུང་རང་གསལ་གོས་པ་མེད།། ཕྱལ་བ་ཡིད་ཆེས་བློ་བདེའོ།། བདེ་ལ་ཞེན་མེད་ཀུན་ཏུ་འཕྱོ།། འཛིན་མེད་ཁྱབ་གདལ
119b4 མཐའ་དབུས་མེད།། འཁོར་བ་རང་བརླག་ཆོས་སྐུར་གསལ།། ད་ཡང་འདུས་པའི་སྙིང་པོ་ཉོན།། དེ་ལྔ་ལྡན་པའི་རྣལ་འབྱོར་ལ།། གཞན་གྱི་ཆགས་སྡང་སྤྱོད་མཐོང་ཡང་།། རང་གྲོལ་ཆགས་སྡང་རྡུལ་ཙམ་མེད།། དེ
119b5 ཕྱིར་རྟོགས་ལྡན་ཉམས་ཀྱི་ཆོས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཉོན་མོངས་རང་རྒྱུད་ཟིལ་གྱིས་གནོན་པའི་ཉམས་བསྟན་པའི་ལེའུ་སྟེ་བརྒྱ་དང
119b6 སོ་དགུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པ་ཆོས་རྗེ་ཡིས།། ཡུལ་དང་གོལ་ས་བཅད་པའི་ཕྱིར།། ཆོས་དབྱིངས་གདེང་རྣམས་བཀའ་སྩལ་པ།། བྱ་བ་བཏང་བའི་སྐྱེས་བུ
iiif viewer powered by OpenSeadragon
