| e-texts navigator |
| Wylie |
119a1 ཉམས།། བ་མོ་ལ་ནི་ཉི་ཤར་འདྲ།། སྣང་བ་ཆོས་དབྱིངས་ཉམས་མྱོང་ནི།། སྒྱུ་མ་འདྲ་སྟེ་དངོས་མེད་ཤེས།། ལྟ་བ་གདེང་ལྡན་ཉམས་མྱོང་བ།། སྤྲིན་དང་ཆུ་བུར་ཉམས་མྱོང་འདྲ།། ཉམས་ལྡན་ལུས་ངག
119a2 ཡིད་ཀྱི་རྟགས།། བཟོད་ཐོབ་བཀྲག་གསལ་ཆོས་བརྒྱད་བྲལ།། དེ་ཡང་འདུས་པའི་སྙིང་པོ་ཉོན།། འགྲོ་དྲུག་སེམས་ཅན་ཐམས་ཅད་ལ།། ལུང་ལྡན་གདམས་ངག་རྩི་ཡིས་ནི།། གསེར་འགྱུར་རྩི་ཡིས་ཐེབས་པ
119a3 བཞིན།། ད་ལྟ་དུས་ཀྱི་སེམས་ཅན་གྱི།། མ་རིག་རྟོག་པ་རང་རྒྱུད་ལ།། ཟིལ་གནོན་བསྒོམ་པ་བསྟན་པར་བྱ།། སྒོམ་ཐབས་སྐྱོན་དང་བཅོས་པའི་ཐབས།། ཐུན་ཚད་ཉམས་དང་རྣམ་ལྔ་སྟེ།། ང་ཡིས་བཀའ་ལས
119a4 གསུངས་པ་སྟེ།། དད་ལྡན་སེམས་ལ་གོ་བར་གྱིས།། དང་པོ་བསྒོམ་པའི་བཅོས་ཐབས་ནི།། ལུས་ངག་ཡིད་ཀྱིས་གདམས་ངག་གིས།། གཞི་ཤེས་ལྟ་བས་ཐག་ཆོད་ལ།། དེ་ཡིས་ངང་ལ་མི་འབྲལ་བའི།། ཚད་ནི
119a5 གསལ་ལ་མི་གཡོ་བ།། མི་རྟོག་རང་བྱུང་ཉམས་པ་མེད།། དེ་ལ་ཡིད་ཆེས་གདེང་གི་ཟིན།། གཞི་ཤེས་པ་ལ་ཉོན་མོངས་མེད།། དེ་ཡི་སྐྱོན་ནི་ངོས་བཟུང་ན།། བྱིང་རྒོད་གོལ་སྒྲིབ་རྣམ་བཞི་སྟེ།། ཆེད་དུ་བྱས་དང་རྐྱེན
119a6 དང་ཤུགས།། བློ་ཆུང་ཤེས་རབ་དམན་ལ་འབྱུང་།། རྒྱུ་དང་དབྱེ་བ་གསུམ་གསུམ་མོ།། དབང་པོ་འབྲིང་དང་ཐ་མ་ལ།། བཅོས་ལ་ཉམས་སུ་མྱོང་དུ་གཞུག། དེ་ཕྱིར་རྒྱུན་དུ་འབྲལ་མེད་ལ།། གོམས་པའི་དབང་གིས
iiif viewer powered by OpenSeadragon
