| e-texts navigator |
| Wylie |
118a1 མེད་དོན་དུ་སངས་རྒྱས་པས། མི་རྟོག་དོན་དུ་ངེས་པའི་ཕྱིར།། དགེ་རྩ་བསྔོ་བའི་ཕྲིན་ལས་རྫོགས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས།།
118a2 མཛད་པའི་ཕྲིན་ལས་ཉམས་སུ་བླང་བར་བསྟན་པའི་ལེའུ་སྟེ་བརྒྱ་དང་སོ་བདུན་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། ངོ་བོ་རང་བཞིན་ངེས་པའི་དོན།།
118a3 གང་ཡང་རུང་བ་ཅི་ལ་ཡང་།། དངོས་པོ་མེད་ཕྱིར་རྟག་ཏུ་མེད།། མེད་པ་ལ་ནི་ཡོད་རྟོག་པ།། འཁྲུལ་པ་རྣམས་ཀྱིས་ཤེས་པ་ལས།། དམ་པ་ཀུན་གྱིས་མི་མཁྱེན་ནོ།། དེ་ཡང་རྡོ་རྗེ་སེམས་དཔའ་ཉོན།། ནམ་མཁའ
118a4 དངོས་མེད་སེམས་དང་བྲལ།། དེ་བཞིན་རང་བྱུང་ངོ་བོ་ཉིད།། ཁ་དོག་དབྱིབས་མེད་སེམས་ལས་འདས།། དེ་ཕྱིར་རང་བཞིན་རྟོགས་པར་དཀའ།། ཆོས་སྐུ་སྐྱེ་མེད་རིག་པའི་སྐུ།། ཡིད་ཀྱི་ལུས་སུ་བསམ་དུ་མེད།།
118a5 གང་ཡང་མ་བསམས་རིག་པ་དེས།། གང་ཡང་ཀུན་ལྡན་རང་བྱུང་སྐུ།། དེ་ཡང་འདུས་པའི་སྙིང་པོ་ཉོན།། དེ་ལ་ལས་དང་རྐྱེན་མི་ཚུགས།། དེ་ཕྱིར་རང་བཞིན་ཇི་བཞིན་ལ།། བཅོས་པ་མེད་ཕྱིར་རང་ལུས་ཆོས།།
118a6 འདུས་མ་བྱས་པ་ནམ་མཁའ་འདྲ།། ཆོས་ཉིད་རང་བཞིན་དམིགས་པ་མེད།། དེ་དོན་རང་བྱུང་རིག་པ་དེས།། སེམས་ཀྱི་ཀུན་གཞི་རྩད་ནས་བརླག། བག་ཆགས་ཀུན་གཞི་སྤྲིན་ལྟར་དེངས།། ལུས་ཀྱི་ཀུན་གཞི་ལེན་མི
iiif viewer powered by OpenSeadragon
