| e-texts navigator |
| Wylie |
117b1 ལ་རྫོགས།། ལྟ་བ་ཤེས་པ་ངོ་བོ་ལ།། སྒོམ་པའི་ཐབས་ཀྱིས་རོལ་པའི་ཕྱིར།། སེམས་དང་ཆོས་སུ་དོན་སྦྱོར་བས།། སྦྱོར་སྒྲོལ་ཕྲིན་ལས་དེ་ལ་རྫོགས།། དེ་ཡང་རྡོ་རྗེ་སེམས་དཔའ་ཉོན།། ཆོས་སྐུ་རང་བྱུང་རིག་པའི
117b2 གསུང་།། གང་ལ་སྨོན་དུ་མེད་རྟོགས་པས།། ཡོན་ཏན་ཐམས་ཅད་ལྷུན་གྱིས་གྲུབ།། ཚོགས་རྣམས་སྣོད་བཅུད་ཡོད་མིན་ཕྱིར།། རང་བྱུང་ཆོས་སྐུའི་དོན་རྟོགས་པས།། མ་བརྗོད་དགོངས་པ་སྦྱོར་བྱས་པའི།། སྐུ་གསུང
117b3 ཐུགས་ཀྱི་དོན་ཚང་བས།། བཟླས་བརྗོད་འཕྲོ་འདུ་དེ་ལ་རྫོགས།། དགའ་ལྡན་ངེས་དོན་སྦྱོར་ལྡན་འདི།། སྣང་སྲིད་བདེ་ཆེན་རོལ་རྟོགས་པའི།། ཚོགས་རྣམས་ཐམས་ཅད་ཡེ་ཡིན་ཕྱིར།། ཚོགས་ཀྱི་ཕྲིན་ལས་དེ་ལ
117b4 རྫོགས།། གཙོ་དང་འཁོར་དུ་མི་འབྱེད་པའི།། རང་རིག་བཟང་ངན་མི་འབྱེད་ཕྱིར།། བདེན་པ་གཉིས་མེད་ངོ་བོ་ལ།། ལྷག་མའི་ཕྲིན་ལས་དེ་ལ་རྫོགས།། བྱ་བ་མེད་པའི་ལས་རྣམས་ནི།། གང་ཡང་འཛིན་མེད་རང
117b5 གསལ་བའི།། མི་བཟུང་ཡེ་ཤེས་ཆེན་པོ་ལ།། མནན་པའི་ཕྲིན་ལས་དེ་ལ་རྫོགས།། འཁོར་བ་མྱ་ངན་འདས་པའི་ཆོས།། ཡེ་ནས་རང་བྱུང་རང་གསལ་ལ།། ཐིག་ལེ་ཉག་གཅིག་འདུས་པའི་དོན།། དཀྱིལ་འཁོར་ཕྲིན
117b6 ལས་དེ་ལ་རྫོགས།། རང་བཞིན་མི་ཤིགས་རྡོ་རྗེ་ཡིས།། ལུས་ངག་ལྷར་ནི་དོན་གསལ་བས།། ཡེ་ཤེས་ལྷུན་གྲུབ་གོ་བའི་ཕྱིར།། རང་ལུས་བསྲུང་བའི་ཕྲིན་ལས་རྫོགས།། མ་རིག་རྐྱེན་བཞི་མེད་པའི་ཕྱིར།། གཉིས
iiif viewer powered by OpenSeadragon
