| e-texts navigator |
| Wylie |
116b1 འཛིན་ལ།། སྣང་བའི་ཡུལ་ལ་མ་ཞེན་པར།། གང་ཡང་མ་བཀག་སྤྱོད་པའི་ཡུལ།། ངེས་དོན་རྟོགས་པའི་ཆོས་ཉིད་ལས།། མི་འདའི་དམ་ཚིག་བསྲུང་བ་སྟེ།། བསྲུང་དུ་ཡོད་ལ་ཉམས་པ་མེད།། དེ་ཕྱིར་ཡེ་ཤེས་འབྲལ
116b2 མེད་པའི།། དབྱིངས་དང་རིག་པ་རང་ལ་ཤར།། སྣ་ཚོགས་བསགས་པས་ཀུན་གྱི་གཞི།། སྔ་ཕྱི་གྲུབ་པ་ག་ལ་ཡོད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས།།
116b3 དམ་ཚིག་བསྲུང་ཉམས་མེད་པར་བསྟན་པའི་ལེའུ་སྟེ། བརྒྱ་དང་སོ་དྲུག་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པ་ཀུན་བཟང་གིས།། ཕྲིན་ལས་རྫོགས་པར་བཀའ་སྩལ་པ།། དཔེར
116b4 ན་ནོར་བུ་ཡིད་བཞིན་ལས།། དགོས་འདོད་ཐམས་ཅད་འབྱུང་བ་བཞིན།། ཡེ་ཤེས་རིག་པའི་དབང་ཐོབ་ན།། ཕྱི་ནང་དབང་རྣམས་དེ་ལ་རྫོགས།། ཕྱོགས་བཅུ་ཡེ་ཤེས་ལྷུན་གྲུབ་པས།། མི་རྟོག་ཡེ་ཤེས་གེགས་བསལ
116b5 ཕྱིར།། གནོད་བྱེད་མཚམས་བརྟོལ་མིང་ཡང་མེད།། ཕྱི་ནང་མཚམས་བཅད་དེ་ལ་རྫོགས།། རང་བཞིན་དག་པའི་ངོ་བོ་ལ།། འཁོར་བའི་སྐྱོན་གྱིས་མི་གོས་ཕྱིར།། མ་རིག་རྣམ་རྟོག་སྒྲིབ་མེད་པས།། དོན་གྱི
116b6 བཤགས་པ་དེ་ལ་རྫོགས།། ཡེ་ནས་རང་བྱུང་ཆོས་སྐུ་ལ།། འཁོར་འདས་གཞི་ལ་མེད་པའི་ཕྱིར།། གཉིས་མེད་དོན་ལ་བློ་གཏད་ནས།། བྱིན་ཆེན་དབབ་པ་དེ་ལ་རྫོགས།། དུག་ཉིད་སྦྱོར་ཤེས་སྨན་གྱི་མཆོག། དུག་ལྔ
iiif viewer powered by OpenSeadragon
