| e-texts navigator |
| Wylie |
116a1 ངང་དུ་བསྡམ།། སྡོམ་པ་ཕྱི་ནང་དམ་ཚིག་ཀྱང་།། གདུལ་བྱ་ཇི་ལྟར་འདོད་པ་འཕྲུལ།། ཐ་སྙད་ཙམ་དུ་གདུལ་མོད་ཀྱང་།། དམ་དུ་བཅས་པ་རྡུལ་ཙམ་མེད།། ཆོས་སྐུ་ཐུགས་ཀྱི་དམ་ཚིག་སྟེ།། དེ་ཡི་ངང
116a2 དུ་མི་འབྲལ་ན།། ཡེ་བསྲུངས་ཆེན་པོའི་གདེང་ལྡན་ཡིན།། དམ་དུ་བཅའ་བའི་སྐྱོན་མེད་ཕྱིར།། དངོས་པོ་མེད་པས་ནམ་མཁའ་འདྲ།། དེ་ཡང་རྡོ་རྗེ་སེམས་དཔའ་ཉོན།། སྡོམ་དང་དམ་ཚིག་རྣམ་མང་བ།། སྐུ་གསུང
116a3 ཐུགས་ཀྱི་དམ་ཚིག་སྟེ།། སྐུ་ནི་ཆོས་སྐུར་མ་བྲལ་ན།། རྩ་བའི་དམ་ཚིག་བསྲུང་བ་ཡིན།། གསུང་ནི་རང་རིག་ཡེ་ཤེས་ཏེ།། མི་བརྗེད་དོན་ལ་མ་ཡེངས་ན།། རང་བྱུང་རིག་པའི་ཐུགས་ལ་གསལ།། གསུང་གི་དམ་ཚིག
116a4 བསྲུང་བ་ཡིན།། ཐུགས་ནི་སྐྱེ་འགག་མེད་པར་གསལ།། དེ་ལས་མི་འདའ་ལྷག་མཐོང་ལ།། མི་འབྲལ་གཟུངས་ཀྱིས་ཟིན་པ་ཡིས།། ཐུགས་ཀྱི་དམ་ཚིག་བསྲུང་བ་ཡིན།། དེ་ཡང་འདུས་པའི་སྙིང་པོ་ཉོན།། དེ་དག་སྐུ
116a5 གསུང་ཐུགས་ཀྱི་ནི།། རང་བྱུང་ཆོས་སྐུ་ཉིད་དུ་འདུས།། དེ་ཕྱིར་རྩ་བ་བྱང་ཆུབ་སེམས།། ཆོས་རྣམས་ཀུན་གྱི་སྙིང་པོར་བཤད།། དེ་ཕྱིར་དམ་ཚིག་བསྲུང་ཉམས་མེད།། རྟོགས་པའི་བློ་ལ་དེ་ལྟར་སྣང་།། དེ་ཡང་རྡོ་རྗེ
116a6 སེམས་དཔའ་ཉོན།། ང་ཡིས་ཆོས་ཉིད་དམ་ཚིག་ནི།། མ་བཅོས་མཁའ་ལ་ཉི་ཤར་ལ།། མུན་པ་མེད་པར་གསལ་བ་ནི།། ལྷན་གྱིས་རྟོགས་ལ་བལྟ་བ་ཡིན།། རང་གི་ཤེས་པ་གཉུག་མ་ཡི།། དོན་ལ་མ་ཡེངས་ཏིང
iiif viewer powered by OpenSeadragon
