| e-texts navigator |
| Wylie |
115b1 དེ་ལས་གཞན་དུ་སྤྱོད་དུ་མེད།། རིག་པ་ཆོས་སྐུར་དྲན་པ་ལ།། ཡེ་ཤེས་ལྷག་མཐོང་ཤར་ཞེས་བྱ།། དེ་ཡང་རྡོ་རྗེ་སེམས་དཔའ་ཉོན།། ཆོས་ཉིད་འདི་ལས་མ་གཡོས་པས།། ལུས་ངག་ཡིད་གསུམ་ཅི་སྤྱོད་པ།། སངས
115b2 རྒྱས་མཛད་སྤྱོད་ཡིན་པར་གསུངས།། དེ་ཕྱིར་གང་དུ་ཅི་ལ་ཡང་།། མ་ཆགས་ཞེན་མེད་ཤུགས་ལས་འབྱུང་།། རིག་སྤྱོད་ལྡན་པས་མ་བརྗེད་པ།། ཆོས་རྣམས་ཀུན་གྱི་རྩ་བར་བཤད།། དེ་ཕྱིར་ཉམས་དང་འདྲེ་ལྡན་ན།།
115b3 ཡེ་ཤེས་སྤྱོད་པའི་མཆོག་ཡིན་ནོ།། དེ་ཡང་འདུས་པའི་སྙིང་པོ་ཉོན།། བདག་གཞན་རྟོག་པ་མེད་པའི་ཕྱིར།། གཉིས་མེད་དོན་ཚིག་ཆོས་ཀྱི་སྐུ།། མཐུན་འཇུག་སྤྱོད་པ་བརྒྱ་མཚོར་ནི།། སྤྱོད་པ་སྣ་ཚོགས་ཅི་བདེར
115b4 སྤྱོད།། པདྨ་སྐྱེས་འདམ་ཡིན་ཏེ།། དེ་ལ་སྐྱོན་གྱིས་གོས་པ་མེད།། ཆོས་ཉིད་བླང་དོར་མེད་པར་རྟོགས།། ཏིང་འཛིན་ཉམས་པ་རྡུལ་ཙམ་མེད།། ཐུན་མོང་མ་ཡིན་རྣལ་འབྱོར་པས།། འཆིང་གྲོལ་མེད་ཕྱིར་གོལ་ས
115b5 ཆོད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། སྤྱོད་པ་བླང་དོར་མེད་པར་བསྟན་པའི་ལེའུ་སྟེ། བརྒྱ་དང་སོ་ལྔ་པའོ།། །། དེ་ནས་འདུས་པའི་ཚོགས
115b6 རྣམས་ལ།། ཀུན་རིག་སྟོན་པ་ཀུན་བཟང་གིས།། དམ་ཚིག་བསྲུང་ཉམས་མེད་པ་ནི།། ངེས་པའི་དོན་དུ་བཀའ་སྩལ་པ།། གདེང་ལྡན་ངེས་པའི་ཡེ་ཤེས་ཀྱིས།། བསྲུང་དུ་མེད་པའི་དམ་ཚིག་སྟེ།། ཡེ་བསྲུངས་ཆེན་པོའི
iiif viewer powered by OpenSeadragon
