| e-texts navigator |
| Wylie |
114b1 པ་ཐམས་ཅད་དུ།། སྐྱེ་འཆི་མེད་པར་ལྟ་བའི་མཆོག། དོན་དུ་ཡེ་ཤེས་མཐར་ཕྱིན་ལམ།། རེ་དོགས་མེད་ཕྱིར་ལྟུང་མི་སྲིད།། གདོད་ནས་འགྱུར་མེད་སྙིང་པོ་གཞི།། དེ་ཉིད་རང་རིག་ཆོས་སྐུ་ལ།། རང་རིག་རང་བལྟས
114b2 ངོ་མཚར་ཆེ།། དེ་ཕྱིར་ཆོས་སྐུ་སངས་རྒྱས་ཐུགས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། གཞི་ངེས་པའི་ལྟ་བ་ཉམས་སུ་བླང་བར་བསྟན་པའི་ལེའུ་སྟེ།།
114b3 བརྒྱ་དང་སོ་གསུམ་པའོ།། ། དེ་ནས་ཀུན་རིག་སྟོན་པ་ཡིས།། དོན་དང་མི་འབྲལ་ཏིང་འཛིན་ནི།། འདུས་པའི་འཁོར་ལ་བཀའ་སྩལ་པ།། ཆོས་ཉིད་མི་འགྱུར་ཡེ་ཤེས་ཀློང་།། མ་བཅོས་ཡེ་ནས་གནས་པ་ཡི།།
114b4 རྒྱུ་རྐྱེན་མ་བསྐྱེད་རང་བྱུང་སྐུ།། དངོས་མེད་རང་གསལ་འབྲས་བུ་ལ།། རྐྱེན་བྲལ་གཉེན་པོས་གཞིག་ཏུ་མེད།། བསམ་དུ་མེད་པ་བསྒོམ་མི་དགོས།། དེ་ཡང་འདུས་པའི་སྙིང་པོ་ཉོན།། དབྱིངས་དང་བྲལ་བ་བྱང་ཆུབ
114b5 སེམས།། ཁ་དོག་མེད་པས་མཚོན་དུ་མེད།། སེམས་ཀྱི་ཡུལ་ལས་འདས་པ་འདི།། སྐྱེ་འཆི་མེད་པས་འགྱུར་བ་མེད།། རྟག་པ་མེད་པས་འཁོར་བ་བྲལ།། མཐོ་དམན་མེད་པས་ཀུན་གྱི་རྩེ།། ཆེ་ཆུང་མེད་པས་དམིགས
114b6 པ་བྲལ།། ཀུན་གཞི་མེད་པས་ཆོས་སྐུའི་ཀློང་།། ཡངས་དོག་མེད་པས་བཟང་མོའི་མཁའ།། མཐའ་དབུས་མེད་པས་ཀུན་ལ་ཁྱབ།། ཡེ་ཤེས་ཟང་ཐལ་ཕྱི་ནང་མེད།། མཚོན་དུ་མེད་པས་ཚད་དང་བྲལ།། དེ་ཡང་འདུས
iiif viewer powered by OpenSeadragon
