| e-texts navigator |
| Wylie |
114a1 འདུས་པའི་སྙིང་པོ་ཉོན།། དེ་དག་ཕ་རོལ་ཕྱིན་བཅུ་ལ།། ངོ་བོ་ཐིག་ལེ་གཅིག་ཏུ་འདུས།། གདུལ་བྱར་རིམ་པ་བཅུ་བསྟན་པ།། ཡང་དག་ཡེ་ཤེས་ངོ་བོ་ཉིད།། རྫོགས་པ་ཆེན་པོ་ངེས་དོན་ཐམས་ཅད
114a2 འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ས་དང་ཕ་རོལ་ཕྱིན་པའི་ཡོན་ཏན་བསྟན་པའི་ལེའུ་སྟེ། བརྒྱ་དང་སོ་གཉིས་པའོ།། སྡོམ་དུ་བསྡུས་ཏེ་བསྟན་པ་ཉེར་བདུན་པའོ།། །། དེ་ནས་རྡོ་རྗེ
114a3 སེམས་དཔའ་ཡིས།། འདུས་པའི་འཁོར་ལ་ཕན་དོན་དུ།། བདེན་པ་ཉིད་ཀྱིས་འདི་སྐད་གསོལ།། ངེས་པ་བདུན་གྱིས་ཉམས་བླང་བའི།། ལྟ་བ་བསྒོམ་པ་སྤྱོད་པ་དང་།། དམ་ཚིག་ཕྲིན་ལས་འབྲས་བུ་དང་།། རང
114a4 གཞན་ཉམས་སུ་བླང་བའི་ཐབས།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། ཀུན་རིག་རྒྱལ་པོས་བཀའ་སྩལ་པ།། གཞི་ངེས་ལྟ་བ་ཉམས་བླངས་པ།། སངས་རྒྱས་པ་ཡི་ཆོས་སྐུ
114a5 ལ།། འཁོར་འདས་མེད་པར་རིག་པའི་ཀློང་།། གཞི་ལ་འགྱུར་མེད་ལྟ་བའི་གདེང་།། ཡུལ་ལ་མི་ལྟོས་རང་བྱུང་སྐུ།། ཡེ་ཤེས་ནམ་མཁའ་དང་མཉམ་པའི།། དོན་ལ་འགྱུར་མེད་ནམ་མཁའ་འདྲ།། སྐྱོན་གྱིས་མ་གོས་ལྟ།
114a6 བའི་གཟུངས།། འགྱུར་མེད་ཆོས་ཉིད་གདལ་བའི་ཀློང་།། དེ་ཡང་རྡོ་རྗེ་སེམས་དཔའ་ཉོན།། མི་སྐྱེ་མི་འགག་ལྟ་བ་ལ།། བསྒོམ་པས་མ་རྙེད་རྟོགས་པས་ཆོག། འབྲལ་མེད་ད་ལྟར་ཀུན་བཟང་ཐུགས།། དུས་དང་རྣམ
iiif viewer powered by OpenSeadragon
