| e-texts navigator |
| Wylie |
113a1 ཞུས་ན།། སྦྱོར་བའི་ལམ་ཞེས་དེ་ལ་བྱ།། དེ་ཡང་འདུས་པའི་སྙིང་པོ་ཉོན།། ངེས་པའི་བཅུད་ལྡན་སློབ་དཔོན་གྱིས།། ཡང་དག་གདམས་ངག་ལུང་བསྟན་པས།། སྣོད་ལྡན་ཡིད་ཆེས་ངེས་པར་རྟོགས།།
113a2 མཐོང་བའི་ལམ་ནི་ཡིན་པར་གསུངས།། དོན་དེ་གོ་ན་རྒྱུན་དུ་ནི།། ངེས་དོན་ཆོས་སྐུ་ཡེངས་པ་མེད།། རང་རིག་ཡེ་ཤེས་དབང་ཐོབ་ཕྱིར།། བསྒོམ་པའི་ལམ་དུ་བསྟན་པ་ཡིན།། ཡང་དག་ངེས་དོན་གསང་བ་འདི།།
113a3 རང་གི་ཐུགས་ལ་དོན་གོ་ན།། འགྱུར་མེད་གདེང་ཆུད་ཡེ་ཤེས་ཀློང་།། མཐར་ཕྱིན་ལམ་དུ་བཤད་པ་ཡིན།། དེ་ཡང་འདུས་པའི་སྙིང་པོ་ཉོན།། ཡང་དག་དོན་གྱི་ཆོས་ཉིད་ལ།། ལམ་གྱི་དབྱེ་བ་མེད་མོད་ཀྱང་།། རྣལ
113a4 འབྱོར་བློ་ཡི་རིམ་པ་ལས།། ཐེག་པའི་བྱེ་བྲག་ཐ་དད་པས།། ལམ་ལྔར་ཕྱེ་བ་གཅིག་ཏུ་རྫོགས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ལམ་ལྔ་རྫོགས
113a5 པར་བསྟན་པའི་ལེའུ་སྟེ། བརྒྱ་དང་སོ་གཅིག་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། ས་ཡི་དབྱེ་བ་དཔེ་དང་ནི།། རྩལ་གྱི་སྒོ་ནས་བཞི་བཞི་རུ།། ཕ་རོལ་ཕྱིན་བཅུ
113a6 ས་དང་སྦྱར།། ངེས་པའི་ཡོན་ཏན་རྫོགས་པར་གསུངས།། ད་ཡང་རྡོ་རྗེ་སེམས་དཔའ་ཉོན།། ས་ནི་དང་པོ་རབ་དགའ་བ།། རྟེན་ནི་སྦྱིན་པའི་ཕ་རོལ་ཕྱིན།། དཔེ་ནི་མི་ཟད་གཏེར་དང་འདྲ།། རྩལ་ནི་མ་རིག་ཟིལ་གྱིས
iiif viewer powered by OpenSeadragon
