| e-texts navigator |
| Wylie |
112b1 འདས་མེད་པ་དང་།། ཐམས་ཅད་ཐིག་ལེ་ཆེན་པོ་ལས།། གཞན་གྱི་ཆོས་ནི་རྡུལ་ཙམ་མེད།། དེ་ཡང་འདུས་པའི་སྙིང་པོ་ཉོན།། ང་ལ་སྐུ་གསུང་ཐུགས་ཉིད་ཚང་།། ཡེ་སངས་རྒྱས་པའི་རང་བཞིན་ལ།། ཡོན་ཏན་ནམ
112b2 མཁའི་མཐའ་དང་མཉམ།། གཞལ་ཡས་ཆོས་ཀྱི་ཀློང་དང་མཉམ།། རྫོགས་ནི་ལྷག་མ་མེད་པར་རྫོགས།། འཁོར་ནི་དུས་གསུམ་རྒྱལ་བར་ལྡན།། ཐམས་ཅད་ཀུན་ཏུ་བཟང་པོ་ཡིས།། སྐད་ཅིག་རྟོགས་པས་མངོན
112b3 སངས་རྒྱས།། རྟོགས་ཐབས་བཞི་ནི་བསྟན་པར་ཟད།། དེ་ལས་མང་དུ་དབྱེ་བ་ནི།། ཐིག་ལེ་མ་ཡིན་འཆལ་ཚིག་ཡིན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད
112b4 ལས། ཐིག་ལེ་ཉག་གཅིག་ལ་བཟླ་བ་བསྟན་པའི་ལེའུ་སྟེ། བརྒྱ་དང་སུམ་ཅུ་པའོ།། །། དེ་ནས་འདུས་པའི་འཁོར་རྣམས་ལ།། ས་ལམ་གཞི་རུ་རྫོགས་པའི་དོན།། ཀུན་རིག་རྒྱལ་པོས་བཀའ་སྩལ་པ།། མེད་ལ
112b5 ཡོད་འཛིན་འཁྲུལ་པའི་བློ།། འཁྲུལ་པ་བཟློག་ཕྱིར་འཇིག་ཚོགས་ཏེ།། རང་གིས་རང་བསླུས་ཞེན་པའི་རྒྱུ།། དེ་བཟློག་དོན་ཕྱིར་ལམ་ལྔ་གསུངས།། དེ་ནས་རྡོ་རྗེ་སེམས་དཔའ་ཉོན།། དད་ལྡན་ལས་ཅན་འགྱུར་མེད
112b6 ཀྱི།། ལུང་ལྡན་རྡོ་རྗེ་སློབ་དཔོན་ལ།། ཡིད་འཐད་ཕངས་མེད་འབུལ་བ་ནི།། ཚོགས་ཀྱི་ལམ་དུ་བསྟན་པ་ཡིན།། ལུང་ལྡན་རྡོ་རྗེ་སློབ་དཔོན་ལ།། ཡིད་གཉིས་ཐེ་ཚོམ་བློ་སྤངས་ནས།། མཁའ་འགྲོ་མཆོད་ཅིང་དོན
iiif viewer powered by OpenSeadragon
