| e-texts navigator |
| Wylie |
112a1 ངང་དུ་རྫོགས།། ད་ཡང་རྡོ་རྗེ་སེམས་དཔའ་ཉོན།། བརྟགས་པའི་ཐིག་ལེ་ལ་བཟླ་ན།། ངོ་བོ་སྣང་ལ་རང་བཞིན་མེད།། དཔེ་ནི་ཉི་མའི་འོད་བརྡལ་འདྲ།། གཏན་ཚོགས་ངེས་པ་གང་ཡིན་པ།། ཐིག་ནི
112a2 དངོས་པོ་ཡུལ་དང་བྲལ།། ལེ་ནི་ཐམས་ཅད་རྒྱལ་བའི་ཞིང་།། འགྲོ་ས་ཐིག་ལེ་སྤྱི་ཡི་རྩལ།། གཞི་ཡི་ཐིག་ལེ་ལ་བཟླ་ན།། ངོ་བོ་རང་བཞིན་ཆོས་ཀྱི་སྐུ།། དཔེ་ནི་དུག་ཉིད་སྨན་གྱི་དང་།། གཏན་ཚིགས་ངེས་པ་གང
112a3 ཡིན་པ།། ཐིག་ནི་ཐམས་ཅད་མཁྱེན་པའི་སྒྲ།། ལེ་ནི་འགྲོ་དྲག་ཡོངས་ལ་ཁྱབ།། ཡེ་ཤེས་ཀུན་གྱི་རྩ་བའོ།། བྷྲཱུཾ་ཡི་རྫོགས་ཆེན་ལ་བཟླན།། ངོ་བོ་སྐུ་གསུང་ཐུགས་ཀྱི་རྒྱུད།། དཔེ་ནི་ནོར་བུ་རིན་ཆེན་འདྲ།། གཏན
112a4 ཚིགས་ངེས་པ་གང་ཡིན་པ།། ཐིག་ནི་མ་ནོར་དྲང་བའི་ལམ།། ལེ་ནི་གདལ་བ་ཆེན་པོའི་ངང་།། འགྲོ་ས་ཐིག་ལེ་ཉག་གཅིག་རྩལ།། ཡང་ཏི་རྫོགས་ཆེན་ལ་བཟླ་ན།། འཁོར་འདས་མ་རིག་རང་བྱུང་གཞི།། ངོ་བོ་ཐིག
112a5 ལེ་ཉག་གཅིག་ཉིད།། དཔེ་ནི་ཉི་མའི་སྙིང་པོ་འདི།། གཏན་ཚིགས་ངེས་པ་གང་ཡིན་པ།། ཐིག་ནི་བག་ཆགས་སྐྱོན་དང་བྲལ།། ལེ་ནི་ཉོན་མོངས་རྣམ་པར་དག། འགྲོ་བ་ཀུན་ལ་སངས་རྒྱས་ཉིད།། དེ་ཡང་འདུས་པའི
112a6 སྙིང་པོ་ཉོན།། ཕྱི་ནང་མེད་པར་ཐིག་ལེ་ལ།། འཁོར་འདས་མེད་པར་ཉག་མ་གཅིག། སྣང་སྟོང་མེད་པར་ཕྲ་ལ་ཟབ།། ཐམས་ཅད་ཐིག་ལེར་སངས་རྒྱས་པས།། སྟེང་འོག་མཐའ་དབུས་མེད་པ་དང་།། ཕྱི་ནང་འཁོར
iiif viewer powered by OpenSeadragon
