| e-texts navigator |
| Wylie |
111b1 པོར་གནས།། ད་ཡང་འདུས་པའི་སྙིང་པོ་ཉོན།། ཡེ་ཤེས་ལྷུན་གྲུབ་ཆེན་པོ་ལ།། རྒྱུ་རྐྱེན་མེད་ཕྱིར་རང་བྱུང་སྐུ།། དེ་ལས་ཀུན་འབྱུང་ལྷུན་གྱིས་གྲུབ།། ཆོས་སྐུ་སྤྲོས་པ་སྣ་ཚོགས་ཀྱང་།། དེ་ཙམ་ཉིད་ན་དངོས་པོ
111b2 མེད།། ཡོད་མེད་འབྲས་བུ་ཡུལ་ལས་འདས།། དེ་དོན་རྟོག་མེད་རིག་པ་གསལ།། གང་ཡང་མི་འགལ་དོན་ཤེས་ཕྱིར།། ཆོས་སྐུ་ཡེ་ནས་ལྷུན་གྱིས་གྲུབ།། ཆོས་སྐུ་ཅི་སྣང་འཛིན་མ་གྲུབ།། དེ་ཕྱིར་རྣམ་པ་གང་ལ
111b3 ཡང་།། ཞེན་པའི་འཛིན་པ་མེད་པར་གནས།། དེ་ཕྱིར་ལྷུན་གྲུབ་ཡེ་ཤེས་ཀློང་།། དེ་ཡང་འདུས་པའི་སྙིང་པོ་ཉོན།། རང་བྱུང་ཡེ་ཤེས་གད་ལ་ཁྱབ་ལ།། ཀུན་ཀྱང་ཡིན་ཕྱིར་གང་ཡང་མེད།། དེ་ཕྱིར་འཁོར་འདས་གཉིས
111b4 མེད་དང་།། ལྷུན་ནི་རྩ་བ་བྱང་ཆུབ་སེམས།། གྲུབ་ནི་སྐུ་དང་ཡེ་ཤེས་འབྱུང་།། པ་ནི་རང་བྱུང་རིག་པ་གསལ།། ཐིག་ནི་འཁོར་འདས་གཞི་ལ་མེད།། ལེ་ནི་ཐམས་ཅད་ཆོས་ཀྱི་ཀློང་།། དེ་ཕྱིར་ལྷུན་གྲུབ་ཐིག་ལེ་བྱ།།
111b5 རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ལྷུན་གྱིས་གྲུབ་པའི་ཐིག་ལེ་བསྟན་པའི་ལེའུ་སྟེ། བརྒྱ་དང་ཉེར་དགུ་པའོ།། །། དེ་ནས་འདུས་པའི
111b6 འཁོར་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས།། ལ་བཟླའི་ཐིག་ལེ་བཀའ་སྩལ་པ།། རང་གི་རིག་པ་ཆོས་སྐུ་ལ།། སྒྲ་མཐུན་དོན་དཔག་གཏན་ཚིགས་ཀྱིས།། དོན་གྱི་ངོ་བོ་གཉིས་སུ་འདུས།། ལ་བཟླ་གཅིག་གི།
iiif viewer powered by OpenSeadragon
