| e-texts navigator |
| Wylie |
110b1 སྙིང་པོ་ཉོན།། ཆོས་སྐུ་བྱང་ཆུབ་སེམས་སུ་གཅིག། དེ་ཕྱིར་ཡེ་ནས་བྱང་ཆུབ་སྐུ།། དེ་རྟོགས་མ་རིག་མེད་པའི་ཕྱིར།། ཤེས་པ་འཁྲུལ་པ་གཏིང་ནས་དག། དེ་ཕྱིར་རང་བཞིན་འོད་གསལ་བ།། འཁོར་བའི་སྐྱོན་མེད
110b2 ཆོས་སྐུ་ཉིད།། དེ་ལ་སྒྲིབ་མེད་རང་བྱུང་ཐུགས།། དུས་གསུམ་མི་འགྱུར་ནམ་མཁའ་འདྲ།། དེ་ཡང་རྡོ་རྗེ་སེམས་དཔའ་ཉོན།། ཆོས་སྐུ་རིམ་པར་རྟོགས་པར་བྱེད།། དེ་ཕྱིར་རིག་པ་ཆོས་སྐུའི་རྒྱུ།། དེ་ཤེས་མ་བསྒྲིབས
110b3 འོད་གསལ་ཕྱིར།། རིག་པ་སང་ངེ་གདེང་གིས་ཟིན།། ཡེ་ཤེས་ཆེན་པོ་རྒྱུན་མི་འཆད།། དབང་པོས་མ་མཐོང་རིག་པས་མཐོང་།། དེ་མཐོང་ཡེ་ཤེས་ཆོས་ཀྱི་སྐུ།། ཐམས་ཅད་མཁྱེན་པས་ཡེ་ཤེས་སྤྱན།། འཕེལ་འགྲིབ
110b4 མེད་པར་གཉུག་མར་གནས།། རབ་ཏུ་དགའ་བའི་བདེན་མཐོང་དང་།། རྣལ་འབྱོར་ངེས་ལུང་ལྡན་པ་གཉིས།། ཁྱད་མེད་འཁོར་བར་མི་ལྡོག་ངེས།། དེ་ཕྱིར་གདམས་ངག་རྩིས་སུ་ཆེ།། ཡེ་ནི་གནས་ལུགས་མ་བཅོས
110b5 པ།། ཤེས་ནི་དོན་ལྡན་ཡིད་ཆེས་འབྱུང་།། ཐིག་ནི་ཐམས་ཅད་སྐྱོན་དང་བྲལ།། ལེ་ནི་ཉོན་མོངས་རྣམ་པར་དག། དེ་ཕྱིར་ཡེ་ཤེས་ཐིག་ལེ་བྱ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ
110b6 དང་མཉམ་པའི་རྒྱུད་ལས། ཡེ་ཤེས་ཆེན་པོ་ཐིག་ལེ་ཉག་གཅིག་བསྟན་པའི་ལེའུ་སྟེ། བརྒྱ་དང་ཉེར་བདུན་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པ་ཆོས་རྗེ་ཡིས།། ཀུན་བཟང
iiif viewer powered by OpenSeadragon
