| e-texts navigator |
| Wylie |
110a1 ཡུལ་ལས་འདས།། དེ་ཕྱིར་ཚིག་གིས་མི་ཕེབས་ཕྱིར།། དབྱིབས་དང་ཁ་དོག་དབང་པོ་ཡིས།། ཤིན་ཏུ་བརྟགས་དཀའ་སྤྱོད་ཡུལ་མིན།། རང་བྱུང་ཡེ་ཤེས་བློ་ལྡན་ན།། མ་རིག་མེད་ཕྱིར་སྒྲིབ་པ་མེད།།
110a2 དེ་ཕྱིར་གཉེན་པོ་ཅི་ལ་འཚོལ།། དེ་ཡང་རང་གསལ་རིག་པ་ལ།། ཡིད་ཆེས་ངེས་པའི་དོན་ཟིན་པས།། མ་རིག་བག་ཆགས་གོས་པ་མེད།། དེ་ཡང་རྡོ་རྗེ་སེམས་དཔའ་ཉོན།། ཆོས་ཉིད་གཞི་ལ་དངོས་མེད་པས།། དེ
110a3 ཕྱིར་དོན་ཤེས་སྒྲིབ་པ་མེད།། ད་ལྟའི་ཤེས་པ་འདི་ཉིད་ལ།། ལུང་ལྡན་ངེས་ཤེས་གདེང་ལྡན་ཕྱིར།། ཉི་ཤར་མུན་སྒྲིབ་མེད་པ་འདྲ།། དབྱིངས་ནི་རིག་པའི་རྩལ་ཡིན་ཕྱིར།། དོན་ནི་འཁོར་འདས་རྣམ་པར་དག། ཐིག
110a4 ནི་སྒྲིབ་པ་སྦྲང་དུ་མེད།། ལེ་ནི་ཡེ་ཤེས་ཀློང་དུ་གདལ།། ངེས་པར་རང་བྱུང་དབྱིངས་སུ་དག། དེ་ཕྱིར་ཆོས་སྐུ་འདི་ཤེས་པས།། སངས་རྒྱས་ཐམས་ཅད་དུས་འདིར་འགྲུབ།། རྫོགས་པ་ཆེན་པོ་ངེས་དོན་ཐམས་ཅད
110a5 འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། དབྱིངས་རྣམ་པར་དག་པའི་ཐིག་ལེ་བསྟན་པའི་ལེའུ་སྟེ། བརྒྱ་དང་ཉེར་དྲུག་པའོ།། །། དེ་ནས་ཀུན་རིག་ཆོས་རྗེ་ཡིས།། དད་ལྡན་འདུས་པའི
110a6 འཁོར་རྣམས་ལ།། ཡེ་ཤེས་ཐིག་ལེ་བཀའ་སྩལ་པ།། ཆོས་ཉིད་རིག་པའི་རྣལ་འབྱོར་ལ།། མ་བསྒྲིབས་འོད་གསལ་ཡེ་ཤེས་དེ།། ལུང་ལྡན་དོན་བསྟན་ཡེ་ཤེས་པས།། ཡེ་ཤེས་ཆེན་པོ་ཐིག་ལེ་བྱ།། དེ་ཡང་འདུས་པའི
iiif viewer powered by OpenSeadragon
