| e-texts navigator |
| Wylie |
10b1 མན་ངག་རྣམ་བཞི་མཛད།། དེ་ནས་ཤཱཀ་ཐུབ་སྤྲུལ་པ་དེས།། བཀྲ་ཤིས་བདེ་ལྡན་གནས་དག་ཏུ།། དེ་ལྟ་དུས་ཀྱི་དེང་སང་ན།། གསང་བདག་སྤྲུལ་པ་དང་ཉན་ལ།། སྡེབ་སྦྱོར་ལེགས་པའི་ཚིག་ཏུ་གསུང་།། ད་ཡང་རྡོ
10b2 རྗེ་སེམས་དཔའ་ཉོན།། ཤེས་རབ་བློ་ཡི་ཁྱད་པར་ལས།། སྐུ་གསུམ་ཆོས་རྣམས་གཅིག་གསུངས་པའི།། བཤད་ལུགས་རྣམ་པ་དེ་དག་ཀུན།། འདུལ་བྱའི་འཁོར་ལ་ཐ་དད་ཀྱང་།། དུས་གསུམ་གཅིག་ཕྱིར་ཁྱད་མེད
10b3 པས།། དོན་ལ་དབྱེར་མེད་ངོ་བོ་གཅིག། རྫོགས་པ་ཆེན་པོ་ངེས་དོན་ཐམས་ཅད་འདུས་པའི་སྙིང་པོ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ངེས་དོན་འབྱུང་བའི་རྒྱུ་གླེང་གཞི་བསྟན་པའི་ལེའུ་སྟེ་དང
10b4 པོའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་ཚོགས་ལ་ཕན་གདགས་ཕྱིར།། གུས་པའི་སེམས་ཀྱིས་རབ་སྦྱར་ཏེ།། བདེན་པའི་ཚིག་ནི་འདི་སྐད་གསོལ།། ཆོས་ཉིད་གནས་ལུགས་ངེས་པ་འདི།། སྣོད
10b5 ཀྱི་རིམ་པ་གང་ལ་བསྟན།། ཆོས་རྣམས་གཏན་ལ་ཅི་ལྟར་དབབ།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པས་དོན་གསན་ནས།། ཀུན་རིག་སྟོན་པས་འཁོར་རྣམས་ལ།། ཆོས་ཉིད་གནས་ལུགས
10b6 བཀའ་སྩལ་པ།། འཁོར་བ་མྱ་ངན་འདས་པའི་ཆོས།། གཞི་ལ་གང་ཡང་མེད་པའི་ཕྱིར།། རང་རིག་རྟོགས་པའི་ཆོས་སྐུ་ལ།། འཁོར་འདས་བཞི་ལ་མེད་ཤེས་ཕྱིར།། ཆོས་ཉིད་ངེས་པའི་གནས་ལུགས་ཡིན།། དེ་ཡང
iiif viewer powered by OpenSeadragon
