| e-texts navigator |
| Wylie |
109b1 ཤིན་ཏུ་རྣལ་འབྱོར་མཆོག་གི་ལམ།། དེ་ཡང་རྡོ་རྗེ་སེམས་དཔའ་ཉོན།། ཆུ་ཆེན་རྒྱུན་མི་ཆད་པའི་དཔེས།། སངས་རྒྱས་མཚན་དང་དཔེ་བྱད་ཀྱང་།། མ་བཙལ་ལྷུན་རྫོགས་དང་ལས་བྱུང་།། དེ་ཕྱིར་དབྱིངས་ནི་རིག་པའི
109b2 རྩལ།། ཐིག་ནི་མ་བཅོས་ཡེ་ནས་དག། ལེ་ནི་ཡོན་ཏན་རྒྱུན་མི་ཆད།། དེ་ཕྱིར་རང་བྱུང་ཆོས་སྐུ་རྒྱན།། ཕྱི་ནང་ཆོས་ཀྱི་རོལ་པ་ཀུན།། དབྱིངས་ནི་ཐིག་ལེ་འདི་ལ་ཚང་།། དེ་ཕྱིར་ཆོས་ཉིད་རང་བྱུང་ལས།། སངས་རྒྱས
109b3 ཆེ་བའི་ཡོན་ཏན་འབྱུང་།། དེ་ཕྱིར་དབྱིངས་ནི་རིག་པའི་རྩལ།། ཐིག་ནི་མ་བཅོས་ཡེ་ནས་གནས།། ལེ་ནི་ཡོན་ཏན་རྒྱུན་མི་ཆད།། དེ་ཕྱིར་རང་བྱུང་ཆོས་སྐུ་རྒྱན།། ཕྱི་ནང་ཆས་ཀྱི་རོལ་པ་ཀུན།། མ་བཙལ་ཡེ་ནས་རང
109b4 ལ་འཆར།། དབྱིངས་ཀྱི་ཐིག་ལེ་དེ་ལ་བྱ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས།། དབྱིངས་ཀྱི་ཐིག་ལེ་བསྟན་པའི་ལེའུ་སྟེ། བརྒྱ་དང་ཉེར་ལྔ་པའོ།།
109b5 དེ་ནས་ཀུན་རིག་ཆོས་རྗེ་ཡིས།། དད་ལྡན་འདུས་པའི་འཁོར་རྣམས་ལ།། དབྱིངས་ནི་རྣམ་པར་དག་པ་ཡི།། ཐིག་ལེ་ཆེན་པོ་བཀའ་སྩལ་པ།། ཡུལ་དང་སེམས་ཀྱི་བསྡུས་པ་ཡི།། རང་འཁྲུལ་ཞེན་པའི་བློ་བརྟས
109b6 པའི།། མཚན་མའི་སྒྲིབ་པ་སྦྱང་མི་དགོས།། དེ་ཕྱིར་དབྱིངས་དང་ཐིག་ལེ་བྱ།། དེ་ཡང་འདུས་པའི་སྙིང་པོ་ཉོན།། ཆོས་ཉིད་ཕྲ་ཞིང་ཤེས་དཀའ་ཕྱིར།། ལུང་ལྡན་རྐྱེན་གྱིས་དོན་རྟོགས་ནས།། མི་གནས་དམིགས་པའི
iiif viewer powered by OpenSeadragon
