| e-texts navigator |
| Wylie |
107b1 འཁོར་རྣམས་ལ།། རྟོགས་པའི་འབྲས་བུ་བཀའ་སྩལ་པ།། རྟོགས་པའི་ཡོན་ཏན་དུས་འདིར་ནི།། ལུས་མེད་སྒོ་ལྔའི་རིག་པས་ཀྱང་།། སྔར་མ་མཐོང་བའི་ཞིང་ཁམས་སུ།། ཡེ་ཤེས་སྤྱན་གྱིས་དུས་གཅིག་མཐོང་།།
107b2 འཆར་ནུབ་མེད་པའི་ཉི་ཟླ་ཤར།། ད་ཡང་རྡོ་རྗེ་སེམས་དཔའ་ཉོན།། མ་བསམས་པ་ཡི་ལྷག་མཐོང་ལ།། མ་བརྗེད་པ་ཡི་གཟུངས་ཀྱིས་ཟིན།། མ་ཟོས་བདུད་རྩིའི་རོ་མཆོག་མྱོང་།། མ་བསྒྲུབས་པ་ཡི་འབྲས་བུ་ཐོབ།།
107b3 མ་བཙལ་པ་ཡི་དོན་གཅིག་གྲུབ།། དེ་ཡང་རྡོ་རྗེ་སེམས་དཔའ་ཉོན།། དེ་ཕྱིར་ངེས་དོན་འདི་བཙལ་ན།། དུས་འདིར་ཆོས་ཉིད་བདེན་པ་མཐོང་།། ཐུན་མོང་དངོས་གྲུབ་ཅི་བསམ་གྲུབ།། རྗེས་དྲན་ཡོན་ཏན་པར་དོར
107b4 འོངས།། དུས་དེར་སངས་རྒྱས་སྨོས་ཅི་དགོས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། འབྲས་བུ་མངོན་དུ་འབྱུང་བར་བསྟན་པའི་ལེའུ་སྟེ་བརྒྱ་དང་ཉེར
107b5 གཉིས་པའོ།། སྡོམ་དུ་བསྡུས་ཏེ་བསྟན་པ་ཉེར་དྲུག་པའོ།། །། དེ་ནས་འདུས་པའི་ཚོགས་རྣམས་ཀྱིས།། ཀུན་རིག་སྟོན་པ་ཆོས་རྗེ་ལ།། བདེན་པའི་ཡིད་ཀྱིས་འདི་སྐད་གསོལ།། ཐིག་ལེ་བརྒྱད་ཀྱི་དབྱེ་བ
107b6 གང་།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། ཕྱི་ནང་མ་བཅོས་མྱ་ངན་འདས།། མྱང་འདས་དོན་ནི་ཆོས་ཀྱི་སྐུ།། ཆོས་ཀྱི་དབྱིངས་ནི་སྐུ་ཡི་འོད།། སྙིང་པོའི་འབྲས་བུ་ཡེ་ཤེས་སྐུ།།
iiif viewer powered by OpenSeadragon
