| e-texts navigator |
| Wylie |
107a1 བསལ་ཡེ་ནས་ཡིན།། ད་ཡང་རྡོ་རྗེ་སེམས་དཔའ་ཉོན།། མ་རིག་ལས་སྐྱེས་སེམས་ཅན་དང་།། ཡེ་ཤེས་ལས་བྱུང་སངས་རྒྱས་གཉིས།། ངེས་ལུང་ལྡན་པས་ཆོས་སྐུར་གཅིག། མ་བཅལ་ལ་ཟློ་ཆེན་པོ
107a2 ཡི།། བདེ་དང་སྡུག་བསྔལ་འཁོར་འདས་ཆོས།། རྟོགས་དང་མ་རྟོགས་གཉིས་མེད་ཕྱིར།། ཡུལ་དང་འཛིན་པ་བློ་མེད་པས།། མ་བཙལ་ཡེ་ཤེས་རང་གནས་ཡིན།། དེ་ཡང་འདུས་པའི་སྙིང་པོ་ཉོན།། གཙང་སྨེ་གཞི་ལ
107a3 མེད་པའི་ཕྱིར།། བློ་ཡིས་བྱས་པ་ཐམས་ཅད་འཁྲུལ།། མ་བྱས་མ་བཅོས་རང་རིག་ཉམས།། ལ་བཟླ་བཟང་ངན་མེད་པར་གྱིས།། ད་ཡང་འདུས་པའི་སྙིང་པོ་ཉོན།། མཐོ་དམན་ཆེ་ཆུང་མ་ལུས་ཀུན།། མན་ངག་ཅན་ལ
107a4 ཆེ་ཆུང་མེད།། ཡེ་ཤེས་རང་ལ་གནས་པ་ལ།། མཐོ་དམན་མེད་པར་རྟོགས་པར་གྱིས།། རང་བྱུང་སྐྱེ་འཆི་མེད་པའི་ཕྱིར།། དུས་གསུམ་གཅིག་ལ་ཡེ་ཤེས་སྐུ།། གྲངས་དང་ཚེ་ཚད་བགྲང་དུ་མེད།། དེ་ཕྱིར་མི་འགྱུར
107a5 ཡེ་ཤེས་ཡིན།། ད་ཡང་འདུས་པའི་སྙིང་པོ་ཉོན།། ཡེ་ཤེས་རང་ཤར་ལ་ཟློས་ན།། གང་ལྟར་སྣང་དྲན་ཆོས་ཉིད་ལ།། མ་བཙལ་ཡེ་ཤེས་རང་གནས་ཕྱིར།། བསྒོམ་མི་དགོས་པ་ལ་ཟླའོ།། རྫོགས་པ་ཆེན་པོ་ངེས་དོན
107a6 ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཡེ་ཤེས་རང་ཤར་ལ་བཟླ་བ་བསྟན་ལེའུ་སྟེ་བརྒྱ་དང་ཉེར་གཅིག་པའོ།། །། དེ་ནས་ཀུན་རིག་ཆོས་རྗེ་ཡིས།། དད་ལྡན་འདུས་པའི
iiif viewer powered by OpenSeadragon
