| e-texts navigator |
| Wylie |
106b1 བརྟགས་པ་ལས།། རྟོགས་པས་འདྲེ་མེད་ལ་བཟླས་ན།། འཁོར་འདས་མ་རིག་ཆོས་འདི་ལ།། ལྷ་འདྲེ་བྱ་བའི་མིང་མི་ཤེས།། ཐམས་ཅད་ཐིག་ལེ་ཉག་གཅིག་སྐུ།། དུག་ཤེས་སྨན་དུ་སྦྱར་ཤེས་ལྟར།། འདྲེ་ཉིད་ཡེ
106b2 ཤེས་ཀློང་དུ་ཤེས།། དགག་བསྒྲུབ་མེད་ཕྱིར་འདྲེ་རྣམས་སྟོངས།། རྐྱེན་གྱིས་མི་ཚུགས་ནམ་མཁའ་འདྲ།། དེ་ཡང་རྡོ་རྗེ་སེམས་དཔའ་ཉོན།། ཡང་དག་དོན་གྱི་ངོ་བོ་ལ།། ལྷ་འདྲེ་མེད་པས་ཡེ་ཤེས་སྐུ།། གང་ལ་རྟོག
106b3 མེད་རང་བྱུང་ལ།། ངེས་དོན་མན་ངག་རྟོགས་པའི་ཕྱིར།། བསླུ་བྲིད་ཆོས་ཀྱི་གོལ་སྒྲིབ་མེད།། འདྲེ་མེད་ཡེ་ཤེས་ལ་ཟླའོ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད
106b4 ལས། འདྲེ་མེད་སུན་འདོན་བསྟན་པ། ཡེ་ཤེས་རང་ཤར་གྱི་སྤྱོད་པ་བསྟན་པའི་ལེའུ་སྟེ་བརྒྱ་དང་ཉི་ཤུ་པའོ།། །། དེ་ནས་ཀུན་རིག་སྟོན་པ་ཡིས།། ཡེ་ཤེས་ལ་བཟླ་བཀའ་སྩལ་པ།། རྒྱུ་དང་འབྲས་བུ
106b5 གཅིག་ཕྱིར།། རིམ་པར་དབྱེར་མེད་ངོ་བོ་གཅིག། སངས་རྒྱས་མ་ཚོལ་རང་ལ་གནས།། དེ་ཕྱིར་རྒྱུ་འབྲས་དབྱེ་རུ་མེད།། དེ་ཡང་འདུས་པའི་སྙིང་པོ་ཉོན།། འཁོར་འདས་རྩ་བ་གཅིག་པའི་ཕྱིར།། རང་བཞིན་ལུས་དེ་ངོ
106b6 ཤེས་པས།། ཐར་བ་ཐོབ་ཅེས་བསྟན་པའི་ཕྱིར།། འཁོར་འདས་མེད་པར་ཆོས་སྐུར་རྟོགས།། ཕྱི་ནང་སྣོད་བཅུད་མ་ལུས་ཀུན།། མ་བྱུང་མ་སྐྱེས་ཆོས་དབྱིངས་ལ།། དུས་གསུམ་འཕོ་འགྱུར་མེད་པའི་ཕྱིར།། ཕྱི་ནང་མ
iiif viewer powered by OpenSeadragon
