| e-texts navigator |
| Wylie |
105b1 རྣམས།། ཞི་འཇམ་རྒྱུད་ནི་འབོལ་པ་དེ།། གདམས་ངག་མེད་ཕྱིར་བྱོལ་སོང་རྒྱུ།། དེ་ཕྱིར་རྨོངས་པ་སྙིང་རེ་རྗེ།། ཞི་འབོལ་འབྲས་བུ་ཐོབ་པ་མེད།། ལྷ་རྣམས་འཇིག་རྟེན་ལྟུང་བ་མེད།། ལྟ་བ་མ་རྟོགས་ཐམས་ཅད
105b2 ལྟུང་།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། བརྟུལ་ཞུགས་མཆོག་གི་སྤྱོད་པ་བསྟན་པའི་ལེའུ་སྟེ་བརྒྱ་དང་བཅོ་བརྒྱད་པའོ།། །། དེ་ནས་འདུས
105b3 པའི་ཚོགས་རྣམས་ལ།། གཞི་ལ་འདྲེ་མེད་བསྟན་པའི་ཕྱིར།། ཀུན་རིག་སྟོན་པ་ཆོས་རྗེ་ཡིས།། འདྲེ་ཡོད་སུན་འདོན་བཀའ་སྩལ་པ།། གཞི་ལ་ལྷ་འདྲེ་མེད་པ་ལ།། མུ་སྟེགས་སྐྱེ་བོ་བདེན་འཛིན་པས།། འདྲེ་ཡོད་སུན
105b4 འདོན་ལ་ཟློ་དགོས།། ང་ཡིས་བཤད་ཀྱིས་ལེགས་པར་ཉོན།། དེ་ཡང་རྡོ་རྗེ་སེམས་དཔའ་ཉོན།། ཡུལ་གྱི་རྟོག་པ་མ་ཟད་པར།། གནོད་པའི་བགེགས་ལ་ཟད་པ་མེད།། བགེགས་རིགས་སྟོང་ཕྲག་བརྒྱད་བཅུ་ཡང་།།
105b5 གཞི་ལ་གང་ཡང་མེད་པ་ཡི།། བཙུན་པ་ཁྲིམས་འཆལ་ཨུ་ལི་ཡིས།། མུ་སྟེགས་ལོག་ལྷའི་ལྷ་བསྒྲུབས་པས།། ཁ་ཆེ་བྱེ་བྲག་སྨྲ་བ་ཡི།། ཐོལ་ཐོལ་སྨྲ་ལ་ལབ་ལབ་འབར།། བདུད་ཀྱི་བྱིན་རླབས་གློ་བུར་བྱུང་།། ལྷ་མེད
105b6 ལྷར་འཛིན་འདྲེ་རྣམས་གནོད།། འདུ་བ་རྣམ་བཞིའི་ནད་དང་ནི།། ཡེ་འདྲོགས་སུམ་བརྒྱ་དྲུག་གིས་བྱས།། དེ་ཡང་རྫུན་དུ་སྨྲ་བ་ལ།། རྨོངས་པའི་སྐྱེ་བོས་བདེན་སྙམ་ནས།། མོ་ཆོག་བྱས་པས་དགེ་བ་ཉམས།། འདྲེ
iiif viewer powered by OpenSeadragon
