| e-texts navigator |
| Wylie |
104b1 རྗེ་ཡིས།། ཐ་མལ་རྣམ་རྟོག་མི་འགག་པའི།། ལ་ཟློའི་སྤྱོད་པ་བཀའ་སྩལ་པ།། གཞི་ཤེས་བློ་དངོས་གཅིག་པ་དང་།། བརྟུལ་ཞུགས་མཆོག་དང་བགེགས་མེད་པའི།། ལ་ཟློའི་སྤྱོད་པ་དམ་པར་ཟུང་།། གཞི་ཤེས་རང
104b2 སར་སྤྱོད་པ་ནི།། ལུང་ལྡན་ངེས་པའི་གདམས་ངག་གིས།། ཡུལ་མེད་ཆོས་སྐུ་ངོས་ཟིན་པས།། ལུས་ངག་བྱ་བྱེད་རྗེས་མེད་པའི།། གཞན་དུ་འཛིན་མེད་རང་རིག་སྐུ།། སྔ་ཕྱི་མ་བསླད་མ་བཅོས་པའི།། འདུ་འབྲལ་མེད
104b3 པའི་ཡེ་ཤེས་ནི།། སུས་ཀྱང་མ་བྱས་རང་བྱུང་བདེ།། གཞི་ཉིད་ཤེས་པས་ནམ་མཁའ་འདྲ།། དེ་ཡང་འདུས་པའི་སྙིང་པོ་ཉོན།། ཆོས་སྐུ་རིག་པ་འགྲོ་འོང་མེད།། རྟག་ཆད་མཐའ་ཡི་སྒྲོ་སྐུར་བྲལ།། རང་རིག་སྤྱོད་པ
104b4 གང་སྤྱོད་ཀྱང་།། ཆོས་ཀྱི་སྐུ་ལས་མ་གཏོགས་པར།། རྡུལ་ཙམ་གཞན་ནས་ཡོད་མི་སྲིད།། དེ་ཕྱིར་ཤེས་པ་རང་ཡན་ལ། ལྷག་མཐོང་དྲན་པའི་གདེང་གིས་ཟིན།། ཡེངས་དང་མ་ཡེངས་མེད་པར་ནི།། ལྟ་བའི་གདེངས
104b5 ཀྱིས་འབྲལ་མེད་ཕྱིར།། ཆོས་སྐུ་གཞིར་ཤེས་སྤྱོད་པ་ཡིན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། གཞི་ཤེས་པའི་སྤྱོད་པ་བསྟན་པའི་ལེའུ་སྟེ་བརྒྱ་དང་བཅུ
104b6 དྲུག་པའོ།། །། དེ་ནས་ཀུན་རིག་རྒྱལ་པོ་ཡིས།། འདུས་པའི་འཁོར་ལ་བཀའ་སྩལ་པ།། བློ་དངོས་སྤྱོད་པ་བསྟན་པའི་ཕྱིར།། གཞི་ཉིད་དེ་ལྟར་རྟོགས་པ་ལ།། སྣང་བ་ངེས་མེད་སེམས་ལ་རྒྱུ།། དེ་རྒྱུ་ཙམ་ན་ཆོས
iiif viewer powered by OpenSeadragon
