| e-texts navigator |
| Wylie |
100b1 ལ་རང་ལྟས་ཤིན་ཏུ་གསལ།། དེ་གོམས་མཐར་ཕྱིན་ཡེ་ཤེས་ཐུགས།། ཆོས་ཉིད་སྤྲོས་བྲལ་འགྱུར་བ་མེད།། རང་བྱུང་ཡེ་ཤེས་གཉུག་མར་གནས།། དེ་ཉིད་མི་འབྲལ་ལྟ་བའི་མཆོག། དེ་ཡང་རྡོ་རྗེ་སེམས་དཔའ་ཉོན།།
100b2 འཁོར་འདས་གཉིས་ཀྱི་ཆས་འདི་ལ།། ཇི་སྲིད་བག་ཆགས་ཡོད་ཀྱི་བར།། འདི་ལྟར་སྣང་བའི་ཆོས་རྣམས་ལ།། སྣང་བའི་ཡུལ་རྣམས་འདོད་ནས་མེད།། ཅི་སྲིད་བག་ཆགས་དེ་དག་ནི།། ཐག་སྦྲུལ་ཐོ་ཡོར་ཇི་བཞིན
100b3 ནོ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། མཐའ་མ་རེག་པའི་རྟགས་བསྟན་པའི་ལེའུ་སྟེ་བརྒྱ་དང་བཅུ་གཉིས་པའོ།། །། དེ་ནས་འདུས་པའི་ཚོགས
100b4 རྣམས་ལ།། ཀུན་རིག་སྟོན་པ་ཀུན་བཟང་གིས།། ཐེ་ཚོམ་འགག་ཆེན་བཀའ་སྩལ་པ།། རྩོད་པ་ཚིག་གི་འཕྲང་ཆེན་ནི།། གཞི་ངེས་སྣང་བ་མ་ངེས་ཕྱིར།། ལུང་ལྡན་གདམས་ངག་མི་འགལ་བའི།། གཏན་ཚིགས
100b5 ཆེན་པོར་བསྟན་པ་ཡིན།། དཔེར་ན་ཉི་མའི་སྙིང་པོ་ལ།། མུན་སྣང་གཉིས་ཀ་མི་འགལ་ཕྱིར།། གཞི་གཅིག་གང་ཡང་མི་འགལ་བར།། དེ་ཉིད་དུས་ན་ངོས་བཟུང་བྲལ།། དེ་ཡང་འདུས་པའི་སྙིང་པོ་ཉོན།། ཆུ་བྲན་རྒྱ
100b6 མཚོར་གཅིག་པ་བཞིན།། གང་ཕྲད་ཡེ་ཤེས་ཆེན་པོ་ལ།། བྱིས་པ་རྣམས་ནི་ཐ་དད་གཟུང་།། དེ་ཕྱིར་བློ་ཡི་སྣང་བ་ཡིན།། ཆོས་རྣམས་སེམས་སུ་འདུས་པའི་ཕྱིར།། བློས་བཞག་ཐེག་པ་རིམ་དགུ་བྱུང་།། གཞི་ལ་ཆོས
iiif viewer powered by OpenSeadragon
