| e-texts navigator |
| Wylie |
100a1 པའི་རྒྱུད་ལས། རྣམ་རྟོག་ཐམས་ཅད་རང་གྲོལ་དུ་བསྟན་པའི་ལེའུ་སྟེ་བརྒྱ་དང་བཅུ་གཅིག་པའོ།། །། ད་ཡང་འདུས་པའི་སྙིང་པོ་ཉོན།། སངས་རྒྱས་སེམས་ཅན་འབྱུང་བ་ཀུན།། གློ་བུར་ཡིན
100a2 ཕྱིར་གནས་ལུགས་མིན།། འཇིག་རྟེན་ཆོས་ལ་བློ་མི་བླང་།། འཁོར་འདས་གཞི་ལ་དོན་མ་རེག། དེ་ཡང་རྡོ་རྗེ་སེམས་དཔའ་ཉོན།། ཕ་མེད་མ་མེད་ནགས་ཀྱི་བྱེའུ།། ནམ་མཁའི་མཐོངས་སུ་ཐོན་པ་ལྟར།། གློ་བུར
100a3 འཁོར་འདས་གཉིས་མ་ཆད།། ཆོས་སྐུ་རྟོགས་པས་མ་རིག་སངས།། གདོད་མའི་མ་རིག་འདི་ཉིད་ལ།། བལྟ་བར་ཤེས་པས་ཆོག་པའི་ཕྱིར།། འཁོར་འདས་གཉིས་ཀ་འདོད་ནས་དག། ཡུལ་དང་མ་འབྲེལ་ངོ་བོ
100a4 ཉིད།། དེ་དོན་རྟོགས་པས་དོན་ལ་གནས།། ཡེ་རྫོགས་ཆོས་སྐུའི་སྙིང་པོ་ཡིན།། རེ་དོགས་མཐའ་ཀུན་རྣམ་པར་ཞི།། ཚིག་ཏུ་འཛིན་མེད་ཡེ་ནས་དག། གཅིག་དང་དུ་མ་མཐའ་ཡེ་ཆོས།། དེ་ཕྱིར་འཁོར་འདས་གཉིས
100a5 ལས་འདས།། འདི་ཐོས་མི་སྐྲག་ལྷག་པའི་ཆོས།། དེ་ཡང་འདུས་པའི་སྙིང་པོ་ཉོན།། དངོས་པོ་མེད་ཕྱིར་རྟག་པ་བྲལ།། ཀུན་ལ་ཁྱབ་པས་ཆད་པ་བྲལ།། མཐའ་དབུས་བྲལ་བས་རང་བྱུང་སྐུ།། ཆོས་སྐུ་ནམ་མཁའ་ལྷ
100a6 བུ་ལ།། བརྗེད་མེད་ལྟ་བ་དྲན་པའི་གཟུངས།། ངེས་དོན་ཕྱིན་ཅི་མ་ལོག་པ།། ཡེ་ཤེས་ལམ་ལ་གནས་པ་འདྲ།། རང་རིག་ངེས་པའི་ལྟ་བ་ལ།། ཡེངས་པ་མེད་པར་ཡིད་ཀྱིས་བལྟ།། དེ་ཡང་ཡུལ་ཅན་མ་ཡིན་ཏེ།། རང
iiif viewer powered by OpenSeadragon
