| e-texts navigator |
| Wylie |
9b1 ལྟ་བའི་ཡང་སྙིང་།། ནམ་མཁའ་ཀློང་ཡངས་ཀྱི་རྒྱུད་ལས།། ཆེད་དུ་བརྗོད་པས་གོ་བར་བསྟན་པའི་ལེའུ་སྟེ་གསུམ་པའོ།། །། དེ་ནས་ཀུན་རིག་རྒྱལ་པོ་ལ།། འདུས་པའི་འཁོར་གྱིས་དོན་ཞུས་པ།། ཆོས་ཉིད་རང
9b2 བྱུང་གནས་ལུགས་ཀྱི།། དཔེ་དོན་ཁྱད་པར་གང་གིས་དབྱེ།། ཡིད་ཆེས་པ་ཡི་གཏན་ཚིགས་གང་།། ཀུན་བཟང་ཐུགས་ནི་ཇི་ལྟར་རྟོགས།། ཞུས་པའི་དོན་གསན་བཀའ་སྩལ་པ།། དཔེ་དོན་ཁྱད་པར་ངས་བཤད
9b3 ཀྱིས།། ནམ་མཁས་གར་ཁྱབ་སེམས་ཅན་གྱིས།། ནམ་མཁའ་དག་ལ་རིག་པ་མེད།། སེམས་ཉིད་མ་བསྒྲིབས་རིག་པར་གསལ།། དེ་ཕྱིར་ནམ་མཁའ་བྱང་ཆུབ་དཔེ།། འདེགས་བྱེད་རླུང་གི་འབྱུང་བ་ལ།། ཡེ་ཤེས་རླུང
9b4 གིས་བྱང་ཆུབ་ཁྱབ།། དྲན་རིག་དངོས་མེད་བྱང་ཆུབ་དཔེ།། ཆོས་ཉིད་ཀློང་དུ་མངོན་སངས་རྒྱས།། སྡུད་པའི་ཆུ་ལ་སེམས་ཀྱིས་ཁྱབ།། ཆུ་ཉིད་བྱང་ཆུབ་དངོས་མ་ཡིན།། དེ་བས་རིག་པ་སེམས་ཀྱི་ཆུ།། བྱང་ཆུབ་སྐུར
9b5 ནི་མངོན་སངས་རྒྱས།། སྲ་བྱེད་འདེགས་པའི་ས་ཉིད་ལ།། རང་སེམས་སྙིང་པོ་དངོས་མེད་ཀྱང་།། ཐམས་ཅད་བསྐྱེད་ཕྱིར་བྱང་ཆུབ་དཔེ།། འགྱུར་མེད་སྲ་ཕྱིར་མངོན་སངས་རྒྱས།། དྲོད་སྙོམས་ཚ་བ་མེ་འདི་ལ།། རང
9b6 སེམས་མེ་ཡི་གཞི་མེད་ཀྱང་།། ཉོན་མོངས་སྲེག་བྱེད་དཔེ་བསྟན་པ།། བྱང་ཆུབ་མེར་ནི་མངོན་སངས་རྒྱས།། འབྱུང་བ་ལྔ་པོ་འདི་ཉིད་ཀྱང་།། དོན་གྱི་སངས་རྒྱས་མ་ཡིན་ཀྱང་།། བཏགས་པའི་སངས་རྒྱས་ཡིན་པའི
iiif viewer powered by OpenSeadragon
