| e-texts navigator |
| Wylie |
99b1 གསལ་ལ།། བྱིང་རྒོད་འབྱུང་བ་ཇི་ལྟར་ལགས།། ཆོས་ཉིད་ཡེ་ནས་འོད་གསལ་ཀྱང་།། རྣམ་སྨིན་ལུས་དང་མ་བྲལ་ཕྱིར།། ལོག་གནོན་གདམས་ངག་མེད་པ་ལས།། ཚོགས་བརྒྱད་རྐྱེན་གྱིས་བྱིང་རྒོད་བྱུང་།། ཡེ་ནས
99b2 རང་བྱུང་འགྱུར་མེད་ལ།། འཕེལ་འགྲིབ་འབྱུང་བ་ཇི་ལྟར་ལགས།། རང་བྱུང་ཡེ་ཤེས་སྙིང་པོ་ལ།། འཕེལ་འགྲིབ་ཡོད་པ་མ་ཡིན་ཏེ།། མ་རིག་མུན་པ་མ་སེལ་ཕྱིར།། ཀུན་གཞིའི་རྐྱེན་གྱིས་འཕེལ་གྱུར་ཏེ།། གཞི་ལ
99b3 ཐོག་མཐའ་མེད་པ་ལ།། འཁོར་འདས་ཐོག་མཐའ་འབྱུང་བ་ཅི།། གཞི་ཉིད་དུས་གསུམ་མི་འགྱུར་ལ།། གྲོ་ཡིས་བཅོས་སུ་མི་འདོད་ཕྱིར།། ཡེ་ཤེས་མ་རིག་ཁྱད་པར་ལས།། འཁོར་འདས་གཉིས་ཀྱི་ཐོག་མཐའ
99b4 བྱུང་།། གཞི་ལ་སྣང་བ་མེད་པ་ལས།། བློ་བུར་འཁྲུལ་སྣང་ཇི་ལྟར་བྱུང་།། གཞི་ལ་སྣང་མེད་ནམ་མཁའ་འདྲ།། མ་རིག་རྐྱེན་བྱས་གཟུང་འཛིན་གྱིས།། རང་གི་ཞེན་སྣང་འཁྲུལ་པའི་ཕྱིར།། བག་ཆགས་སྣང་བ་སྤྲིན།
99b5 ལྟར་བྱུང་།། རིག་པ་ཕྱི་ནང་མེད་པ་ལ།། མཉམ་བཞག་རྗེས་ཐོབ་འོང་བ་ཅི།། ཡེ་ཤེས་རིག་པ་འདི་ཉིད་ལ།། མཉམ་གཞག་རྗེས་ཐོབ་གདོད་ནས་མེད།། ངེས་དོན་འདི་མེད་བསྒོམ་ཆེན་ལ།། སྒོ་ལྔའི་ཡིད་ལ་རྗེས་ཐོབ
99b6 འབྱུང་།། དེས་ནི་རིག་འཛིན་སེམས་དག་གིས།། ཞུ་བ་ཞུས་ནས་ཐེ་ཚོམ་ཆོད།། དེས་རྙེད་མངོན་དགའི་ཕུག་ཏུ་ནི།། ཏིང་ངེ་འཛིན་ལ་སྙོམས་པར་ཞུགས།། དེ་ཚེ་འགྲོ་བའི་དོན་བསྐུལ་བ།། ཁྱོད་ནི་ཤཱཀ་ཐུབ་སྤྲུལ་པ
iiif viewer powered by OpenSeadragon
