| e-texts navigator |
| Wylie |
99a1 ནས།། རིག་འཛིན་འཁོར་ལ་དབང་བསྐུར་ཏེ།། ངེས་དོན་རང་གི་ངོ་བོས་བཤད།། དུས་དེར་ཕྱོགས་བཅུའི་སངས་རྒྱས་ལ།། སྤྲུལ་པའི་རིག་འཛིན་སེམས་དག་གིས།། ངེས་དོན་ཐེ་ཚོམ་བཅད་པའི
99a2 ཕྱིར།། བདེན་པའི་ཡིད་ཀྱིས་འདི་སྐད་ཞུས།། སེམས་ཉིད་མི་འགྱུར་རྡོ་རྗེ་ལ།། སྐྱེ་ཞིང་འབྱུང་བ་ཇི་ལྟར་ལགས།། གཞི་ཉིད་མི་འགྱུར་རྡོ་རྗེ་ལ།། སྐྱེ་ཤི་ཡོད་པ་མ་ཡིན་ཏེ།། རང་གི་རྣམ་རྟོག་གཟུང་འཛིན་གྱིས།། ཐ
99a3 མལ་ལུས་ལ་སྐྱེ་ཤི་བྱུང་།། ཆོས་ཉིད་རྩོལ་བས་མ་བསྒྲུབས་པར།། ཡོན་ཏན་འབྲས་བུ་ཇི་ལྟར་འཆར།། ཏཀྵ་ཀ་ཡི་རྒྱན་བཞིན་དུ།། ཡེ་ནས་གནས་པའི་ཆོས་ཉིད་ལས།། རྒྱུ་འབྲས་མཐར་ཕྱིན་གཞི་ནས་རྫོགས།། ཉི
99a4 མའི་འོད་བཞིན་འབྲས་བུ་འབྱུང་།། སེམས་ཉིད་པདྨ་ལྟར་དག་ལ།། གཟུང་འཛིན་དྲི་མས་ཇི་ལྟར་གོས།། པདྨ་འདམ་གྱིས་མི་གོས་ལྟར།། བྱང་ཆུབ་སེམས་ཀྱི་ངོ་བོ་ལ།། གཟུང་འཛིན་དྲི་མ་གཞི་ལ་མེད།། འཁྲུལ་པའི
99a5 བློ་ལ་དྲི་མ་བྱུང་།། བཙལ་མེད་སེམས་ཀྱི་རང་བཞིན་ལ།། འགྲོ་དོན་མཛད་པ་ཇི་ལྟར་ལགས།། རང་བྱུང་ཆོས་སྐུར་རྟོགས་གྱུར་ན།། བྱ་བའི་ལས་རྣམས་མི་དགོས་ཏེ།། ནོར་བུ་རིན་ཆེན་རྙེད་པ་བཞིན།། མཛད་པའི
99a6 ཕྲིན་ལས་རང་ལས་བྱུང་།། ཚིག་གཉིས་ཆད།། ཆོས་ཉིད་ཡེ་ནས་རང་ཆས་ལ།། ཐོས་བསམ་དགོས་པ་མ་ཡིན་ཏེ།། མ་རིག་མུན་པ་བསལ་བའི་ཕྱིར།། ལུང་ལྡན་རྐྱེན་གྱིས་ཡིད་ཆེས་སྐྱེས།། ཆོས་ཉིད་ཡེ་ནས་འོད
iiif viewer powered by OpenSeadragon
