| e-texts navigator |
| Wylie |
97b1 འཚོལ་སྐྱོན་སྣ་ཚོགས།། གདམས་ངག་མེད་པར་གསང་བ་སྐད།། ཕག་ཏུ་རྫུན་གྱི་དཔེའུ་ཆུང་འདྲི།། རང་གི་ཆོས་ལ་སྐྱོན་ཡོད་ཕྱིར།། གཞན་ལ་སྐུར་འདེབས་མཐུ་སྡིག་བྱེད།། འབྱོར་ཚད་མ་ཕུལ་མི་རུང་ཟར།། དེ
97b2 ཕྱིར་ཟོག་པོས་མི་རྣམས་བསླུ།། ཕྱི་མ་དམྱལ་བར་ངེས་པར་འགྲོ།། དེ་འདྲའི་དམ་ཉམས་མཐོང་ཐོས་ན།། ནམ་ཡང་འཕྲད་པར་མི་བྱའོ།། དེ་ཡང་འདུས་པའི་སྙིང་པོ་ཉོན།། དེ་ལྟའི་དམ་ཉམས་མི་ངན་ལ།། སློབ་མ
97b3 བྱས་ནས་ཆོས་བསྟན་ན།། མཁའ་འགྲོ་ཆོས་སྐྱོང་ཀུན་ཁྲོས་ནས།། རྒྱལ་ཆེན་རིགས་བཞི་ཐོག་ལྟར་བརྡེག། གཙང་རིགས་མགོན་པོ་རླུང་ལྟར་འཚུབས།། མ་མོ་མཁའ་འགྲོ་ཁྱི་ལྟར་ཟུག། རྒྱལ་འགོང་ཆགས་ནས
97b4 གནས་མི་རྙེད།། རི་ཙམ་ཟོས་ཀྱང་འགྲང་པ་མེད།། མཚོ་ཙམ་འཐུང་ཀྱང་ངོམ་མེད་འགྱུར།། ཟས་སྐོམ་བཅུད་མེད་ཁ་བ་འདྲ།། འཇིག་རྟེན་ནོར་བཙལ་རང་བརླག་སྟོང་།། སློབ་མ་སྡང་ཞིང་མི་རྣམས་འཕྱ།། དེ་ཚེ་ཀུན
97b5 ལ་ཞེ་སྡང་འགྱུར།། དེ་ཡང་འདུས་པའི་སྙིང་པོ་ཉོན།། གཞན་གྱི་ལེན་པ་མ་ཡིན་ཏེ།། ཐུགས་ཀྱི་དམ་ཚིག་ཉམས་པ་ཡིན།། ཅི་བསམ་མི་འགྲུབ་དགྲ་རྐུན་མང་།། འགོ་བའི་ནད་ཀྱིས་ཐེབས་འགྱུར་ནས།། ཕྱི་མ་རྡོ་རྗེ
97b6 དམྱལ་བར་ལྟུང་།། གལ་ཏེ་འགྱོད་དེ་ཐར་འདོད་ན།། གཡོ་སྒྱུ་ཁ་བསགས་རྣམས་སྤངས་ནས།། ཞེན་མེད་རང་གི་བླ་མ་ལ།། མོས་གུས་དད་པས་ཡོན་ཕུལ་ནས།། དམ་སྐོངས་འབྲས་བུ་ཅི་བསམ་འགྲུབ།། སངས
iiif viewer powered by OpenSeadragon
