| e-texts navigator |
| Wylie |
97a1 མ་གསུངས་སོ།། བསྟན་པ་འཇིག་ཀའི་དུས་དེ་རུ།། ཡང་ཏི་སྙིང་པོའི་ཆོས་འདི་འབྱུང་།། དེ་ཚེ་སྐལ་ལྡན་འགའ་འགའ་ལ།། ངེས་དོན་རྒྱུད་འདི་གཏད་པ་ལས།། དོན་མེད་སྣ་ཚོགས་སྤྱོད་ཡུལ་མིན།།
97a2 ཀུན་གྱིས་ངེས་པ་དེ་ལྟར་ཞོག། དེ་ཡང་འདུས་པའི་སྙིང་པོ་ཉོན།། གང་གིས་དད་ལྡན་རྒྱུད་འདི་ལ།། མོས་ཤིང་གུས་པར་བྱེད་པའི་མི།། དཀའ་དགུ་བསྔོས་ནས་འཚོལ་བ་ལ།། སྦ་བསྲི་མི་བྱ་ཆོས་འདི་བསྟན།། སྙིང
97a3 འི་ནང་ནས་ཡང་སྙིང་འདི།། གདམས་ངག་མ་ཆད་ངས་ལུང་རྒྱུད།། བདེ་གཤེགས་རྣམས་ཀྱི་ཐུགས་དམ་ཡིན།། དེ་ཡང་འདུས་པའི་སྙིང་པོ་ཉོན།། གཅིག་དང་གཉིས་ལ་སྟོན་སྲིད་ན།། བདེན་པའི་མཚམས་ལས་མི
97a4 འདའ་བར།། མཁའ་འགྲོ་ཆོས་སྐྱོང་མཆོད་བྱས་ནས།། གསང་ཐུབ་ཤེས་རབ་ལྡན་པ་ལ།། ཚིག་ཉུང་དོན་འདྲིལ་གདམས་ངག་སྟོན།། དེ་དང་མི་ལྡན་བློ་ངན་ནི།། བླ་མ་ལུང་ལྡན་རྫུན་གྱིས་འབྲིད།། ཐབས་ཀྱིས
97a5 ཆོས་ཕྲལ་ཟོང་དུ་འཚོང་།། བླ་མ་སྨོད་ཅིང་རང་ཆེ་འབྱིན།། བཀའ་རྐུན་བྱས་ནས་མཁས་སུ་རེ།། སློབ་དཔོན་གསང་ནས་རང་ཆེ་འབྱིན།། དེ་ཡང་རྡོ་རྗེ་སེམས་དཔའ་ཉོན།། ངེས་དོན་གདམས་ངག་མ་ཐོབ་པས།།
97a6 བསྒོམ་པ་ཉམས་སུ་མྱོང་མི་སྲིད།། འདུས་བྱས་ཆོས་སྤང་ཡལ་བར་འཇོག། བསོད་ནམས་འདོད་ཕྱིར་ཀུན་ལ་བཤད།། མི་ཡིས་སྨོན་འདོད་ཁ་གསག་ཅན།། ཆགས་ཚུལ་ཚུལ་འཆོས་སྣ་ཚོགས་བྱེད།། ཐབས་ཀྱིས་ནོར
iiif viewer powered by OpenSeadragon
