| e-texts navigator |
| Wylie |
96a1 རྫོགས་ཡིན།། དེ་ཡང་འདུས་པའི་སྙིང་པོ་ཉོན།། ལུང་ལྡན་ངེས་པའི་གདམས་ངག་གིས།། རྟོག་པ་བཞག་པས་མངོན་སངས་རྒྱས།། མ་རིག་མེད་པའི་ཡེ་ཤེས་ལ།། སྐྱེ་བའི་ཕུང་པོ་ལེན་མི་སྲིད།། དེ
96a2 ཡང་འདུས་པའི་སྙིང་པོ་ཉོན།། གོང་དུ་བསྟན་པའི་གཞི་ཉིད་དང་།། ཉམས་སུ་བླངས་པའི་ཉམས་དང་ནི།། འབྲས་བུ་མཐར་ཐུག་ཡིན་པའི་ཕྱིར།། ལམ་ཉིད་ལམ་ལ་ལམ་ཉིད་གཞི།། དེ་ཉིད་གཅིག་ཤེས་འབྲས་བུ
96a3 མཆོག། དེ་ཉིད་རྒྱུ་འབྲས་རོ་གཅིག་པས།། དམན་པའི་ལུས་ལ་སངས་རྒྱས་ཡིན།། དེ་ཡང་རྡོ་རྗེ་སེམས་དཔའ་ཉོན།། དེ་ལྟར་རྟོགས་པའི་རྣལ་འབྱོར་པས།། དུས་འདིར་ཆོས་ཉིད་བདེན་པ་མཐོང་།། སྤྱན་ལྔ་རིམ
96a4 གྱིས་ཅིག་ཅར་དུ།། སྔར་མ་མཐོང་བའི་ཞིང་ཁམས་གསུམ།། ཡེ་ཤེས་མིག་གིས་དུས་གཅིག་མཐོང་།། ལུས་དང་མ་བྲལ་རིག་པ་ལ།། འཆར་ནུབ་མེད་པའི་ཡེ་ཤེས་ཤར།། མ་བསམས་པ་ཡི་ལྷག་མཐོང་ལ།། མི
96a5 བརྗེད་པ་ཡི་གཟུངས་ཀྱིས་ཟིན།། མ་ཐོས་པ་ཡི་བདུད་རྩི་མྱང་།། མ་བསྒྲུབས་པ་ཡི་འབྲས་བུ་ཐོང་།། དེ་ཡང་རྡོ་རྗེ་སེམས་དཔའ་ཉོན།། རང་ཉིད་གར་འདུག་ཆོས་ཀྱི་དབྱིངས།། སུ་དང་འགྲོགས་ཀྱང་རྒྱལ་བའི
96a6 སྲས།། གང་དུ་འགྲོ་བ་བྱང་ཆུབ་ལམ།། ཐུན་མོང་དངོས་གྲུབ་ཅི་བསམ་འགྲུབ།། ཕྱི་མར་སངས་རྒྱས་སྨོས་ཅི་དགོས།། རྫོགས་པ་ཆེན་པོ་སངས་རྒྱས་ཐམས་ཅད་ཀྱིས་དགོངས་པ་ཆོས་སྐུ་གཅིག་ཏུ་འདུས་པར་བཀའ
iiif viewer powered by OpenSeadragon
