| e-texts navigator |
| Wylie |
95b1 སངས་རྒྱས་ནི།། སྐུ་ནི་རང་རིག་ཆོས་ཀྱི་སྐུ།། གསུང་ནི་བརྗོད་མེད་ཚངས་པའི་གསུང་།། ཐུགས་ནི་ཐིག་ལེ་ཉག་གཅིག་གོ། དེ་ཡང་འདུས་པའི་སྙིང་པོ་ཉོན།། ལ་ཟློས་སྦྲུལ་སྐུ་རྣམ་གསུམ་ནི།། སྐུ་ཡི་སྤྲུལ་པ་རང
95b2 ལུགས་ལ།། རྟོགས་ལྡན་ལུས་ལ་ཡེ་ཤེས་ཡོད།། རིན་ཆེན་ག་འུར་བཅུག་པ་བཞིན།། ལུས་ཀྱི་ནང་ན་ཆོས་སྐུ་གནས།། གསང་བའི་གསུང་ནི་བརྗོད་པ་ཡིན།། དོན་ལྡན་ཚིག་ཏུ་སྨྲ་མི་ཤེས།། དེ་དོན་བརྗོད་པས་བརྗོད
95b3 མེད་ཕྱིར།། སྨྲས་ཀྱང་རང་བྱུང་ཉིད་ཀྱི་གསུང་།། གསང་བའི་ཐུགས་ནི་རང་བྱུང་ལ།། བེམ་རིག་ཤན་ཕྱེ་ཆོས་ཀྱི་སྐུ།། དེ་ཡང་ཡིད་ཆེས་གདེང་གིས་ཟིན།། དེ་དོན་རྒྱུན་དུ་སྐྱེ་འགགས་མེད།། དེ་ཡང་འདུས་པའི་སྙིང་པོ
95b4 ཉོན།། ཕྱི་ནང་དགུ་རུ་ཕྱེ་བ་ཡང་།། གདུལ་བྱའི་འཁོར་ལ་ཐ་དད་པས།། དོན་ལ་དབྱེར་མེད་གཅིག་གི་ངང་།། རྩ་བ་ཆོས་སྐུ་རྟོགས་པར་གྱིས།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར
95b5 བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། ཆོས་ཀྱི་སྐུའི་སྤྲུལ་པ་གཟུགས་སྐུ་རྣམ་གཉིས་ཀྱིས་གཞན་དོན་བྱེད་པར་བསྟན་པའི་ལེའུ་སྟེ་རེ་གསུམ་པའོ།། །། དེ་ནས་འདུས་པའི་འཁོར
95b6 རྣམས་ལ།། འབྲས་བུ་ལྷུན་གྲུབ་བཀའ་སྩལ་པ།། པ་ན་སེ་ཡི་ཤིང་ཐོག་བཞིན།། རྒྱུ་རྐྱེན་འབྲས་བུ་ཐ་དད་མེད།། དེ་བཞིན་གཞི་ལམ་འབྲས་བུ་ཡང་།། ངོ་བོ་གཅིག་ཕྱིར་དབྱེ་རུ་མེད།། དེ་ཕྱིར་རིན་ཆེན་ལྷུན
iiif viewer powered by OpenSeadragon
