| e-texts navigator |
| Wylie |
94b1 ཡང་མེད།། དེ་ཕྱིར་ཡེ་ཤེས་རྒྱུན་མི་འཆད།། ལས་ཀྱི་རིགས་ཀྱི་དགོངས་པ་ཡིན།། དེ་ཡང་རྡོ་རྗེ་སེམས་དཔའ་ཉོན།། རྟེན་གྱི་རྣལ་འབྱོར་རྟོགས་པའི་དོན།། བྱང་ཆུབ་སེམས་དཔའ་མན་ཆད་ནས།། ཕྱི་རབས་དད
94b2 ལྡན་ཡན་ཆད་དུ།། ངེས་ལུང་གདམས་ངག་འདི་ཐོས་པས།། སངས་རྒྱས་ཀུན་དང་དགོངས་པ་མཉམ།། དེ་ཕྱིར་མི་ལུས་སངས་རྒྱས་ཐུགས།། དེ་ཡང་འདུས་པའི་སྙིང་པོ་ཉོན།། དཔེར་ན་མར་མེ་སྟོང་བལྟམ་ཡང་།།
94b3 འོད་ཀྱི་ངོ་བོ་གཅིག་ཏུ་འདུས།། དེ་བཞིན་འཇུག་སྒོ་ཐ་དད་ཀྱང་།། ངེས་དོན་རང་བྱུང་ཆོས་སྐུ་ལ།། གཞན་ནི་ཁྱད་པར་རྡུལ་ཙམ་མེད།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ
94b4 བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། སངས་རྒྱས་ཐམས་ཅད་ཀྱི་དགོངས་པ་འདིར་འདུས་པར་བསྟན་པའི་ལེའུ་སྟེ་རེ་གཉིས་པའོ།། །། ཀུན་རིག་སྟོན་པས་བཀའ་སྩལ་པ།། ཆོས་སྐུ
94b5 མེ་ལོང་ལྟ་བུ་ལ།། གཟུགས་བརྙན་ཡེ་ཤེས་སྐུ་གསུམ་འབྱུང་།། ང་ཡི་སྤྲུལ་པ་འགྲོ་དོན་དུ།། ཕྱི་ནང་ལ་ཟློས་རྣམ་གསུམ་ཡིན།། ང་ཡི་སྐུ་ཡི་སྤྲུལ་པ་ལས།། ཡེ་ཤེས་སྒྱུ་མའི་སངས་རྒྱས་ནི།། འོད་དཔག་མེད་དང་འོད
94b6 མི་འགྱུར།། མར་མེ་མཛད་ལ་སོགས་པ་ཡིས།། སྔོན་གྱི་དེ་བཞིན་གཤེགས་པ་ཡང་།། གྲངས་ཀྱི་མི་ལངས་བརྗོད་ལས་འདས།། དེ་རྣམས་བཀའ་ཡི་དོན་བཤད་པས།། སྔོན་གྱི་སེམས་ཅན་གྲངས་མེད་ཀུན།། མ
iiif viewer powered by OpenSeadragon
