| e-texts navigator |
| Wylie |
94a1 འགགས་མེད་པའི་རིག་པ་ཤར།། མ་བཅོས་རང་ལུགས་སྤྱོད་པ་བདེ།། རེ་དོགས་མེད་པའི་འབྲས་བུར་གནས། ཀུན་ཏུ་བཟང་པོའི་དགོངས་པར་གནས།། དཔེ་ནི་ཉི་མའི་སྙིང་པོ་ལ།། འཛམ་གླིང་བྱེ་བ
94a2 ཕྲག་བརྒྱ་རུ།། འཆར་ནུབ་ལྡོག་པ་གྲངས་མང་ཡང་།། ཉི་མ་འདི་ཉིད་གཅིག་པུར་འདུས།། དེ་བཞིན་སངས་རྒྱས་ཐམས་ཅད་ཀྱང་།། མཚན་དང་སྐུ་མདོག་ཕྱག་མཚན་སོགས།། ཆེ་བའི་ཡོན་ཏན་བསམ་ཡས་ཀྱང་།།
94a3 རིགས་ལྔའི་སངས་རྒྱས་དགོངས་པར་འདུས།། དེ་ཡང་འདུས་པའི་སྙིང་པོ་ཉོན།། རང་བྱུང་རིག་པ་སྐྱེ་མེད་འདི།། མི་འགྱུར་འགགས་མེད་རང་གསལ་བ།། ཡེ་ནས་གནས་པའི་དོན་ཤེས་ཕྱིར།། དེ་ཡང་རྒྱུན་དུ་མི
94a4 འབྲལ་བ།། དེ་བཞིན་རིགས་ཀྱི་དགོངས་པ་ཡིན།། ཡང་དག་སངས་རྒྱས་དགོངས་པའི་དོན།། མི་འགྱུར་མི་ཤིགས་རྡོ་རྗེའི་སྐུ།། ཆོས་ཉིད་མ་བཅོས་མ་བསླད་པ།། མི་ཟད་གཏེར་གྱི་དགོངས་པ་སྟེ།། རྡོ་རྗེ་རིགས་ཀྱི
94a5 དགོངས་པ་ཡིན།། འདུ་འབྲལ་མེད་པའི་ཡེ་ཤེས་ཐུགས།། ད་ལྟའི་ཤེས་པའི་འདི་ཉིད་ལ།། འགྱུར་མེད་ཡེ་ནས་གནས་པ་ནི།། རང་བྱུང་ཡིད་ཆེས་ཀུན་གྱི་གཏེར།། རིན་ཆེན་རིགས་ཀྱི་དགོངས་པ་ཡིན།། ཆོས་སྐུ
94a6 མཐའ་ཡས་ཀུན་ཁྱབ་པས།། མ་བྱུང་མ་སྐྱེས་ད་ལྟ་ཉིད།། འཕེལ་འགྲིབ་མེད་པར་རང་གསལ་བ།། པདྨ་རིགས་ཀྱི་དགོངས་པ་ཡིན།། ལུས་ཀྱི་ནང་ན་རང་རིག་པ།། ཆོས་སྐུ་བཞི་ལྡན་རིག་པ་ལ།། དེ་རུ་མ་འདུས་གང
iiif viewer powered by OpenSeadragon
