| e-texts navigator |
| Wylie |
93a1 གཅིག་ཆོས་སྐུ་ལ།། ས་བཅུ་རྫོགས་པའི་ཡོན་ཏན་གང་།། སངས་རྒྱས་དགོངས་པ་ཇི་ལྟར་འདུས།། གཞན་གྱི་འགྲོ་དོན་ཇི་ལྟར་བྱེད།། གཞི་ལམ་འབྲས་བུར་ཇི་ལྟར་གཅིག། ཀུན་རིག་རྒྱལ་པོས་བཤད
93a2 དུ་གསོལ།། དེ་སྐད་ཞུས་པའི་དོན་གསན་ནས།། ཀུན་རིག་རྒྱལ་པོས་བཀའ་སྩལ་པ།། ངེས་པའི་ས་རྣམས་རྫོགས་པ་ནི།། གྲངས་དང་མིང་དང་རྟེན་དང་དཔེ།། ཡོན་ཏན་འབྲས་བུ་དྲུག་དྲུག་ཏུ།། ངེས་དོན་བསྟན
93a3 གྱིས་ཡིད་ལ་ཟུང་།། དེ་ཡང་འདུས་པའི་སྙིང་པོ་ཉོན།། འཁོར་བར་མི་ལྡོག་རབ་ཏུ་དགའ།། རྟེན་ནི་སྦྱིན་པ་རིན་ཆེན་གཏེར།། མ་རིག་ཆ་ཕྲ་ཟིལ་གྱིས་གནན།། མངོན་རྒྱུའི་ཉོན་མོངས་འབྱུང་མི་སྲིད།། ས་ནི
93a4 གཉིས་པ་དྲི་མེད་ལ།། རྟེན་ནི་ཚུལ་ཁྲིམས་རིན་ཆེན་མྱུག། བག་ཉལ་མི་གནོད་འགྱུར་བ་མེད།། སྒྲིབ་མེད་རང་རིག་ཆོས་སྐུར་གསལ།། ས་ནི་གསུམ་པ་འོད་འཕྲོ་ལ།། རྟེན་ནི་བཟོད་པ་རྒྱ་མཚོ་འདྲ།། ཞེན་པའི
93a5 ཉམས་ནི་གཏིང་ནས་ཆོམས།། ཡེ་ཤེས་ངང་ལ་རྗེས་ཐོབ་མེད།། ས་ནི་བཞི་པ་འོད་བྱེད་ལ།། རྟེན་ནི་བརྩོན་འགྲུས་རི་རབ་འདྲ།། ཞེན་པའི་བག་ཆགས་དྲན་མི་སྲིད།། འཇིག་རྟེན་མཆོད་ཀྱང་ཞེན་པ་བྲལ།། ས་ནི་ལྔ
93a6 པ་སྦྱངས་དཀའ་ལ།། རྟེན་ནི་བསམ་གཏན་རྡོ་རྗེ་འདྲ།། རྩལ་ནི་བྱིང་རྒོད་རྐྱེན་མི་འབྱུང་།། དགོངས་པའི་དོན་ལ་འབྱུང་འཇུག་མེད།། ས་ནི་དྲུག་པ་མངོན་གྱུར་ལ།། རྟེན་ནི་ཤེས་རབ་སྨན་དང་འདྲ།། སྐྱེ་ཤི་མེད་པའི
iiif viewer powered by OpenSeadragon
